Eixes d’a Estratechia Pirenenca
Aizión por o clima
Observatorio Pirenenco de Cambeo Climatico (OPCC)
EIXE 1
A traviés de l’Observatorio Pirenenco de Cambeo Climatico (OPCC), a CTP treballa dende 2010 ta analisar y comprender o fenomeno d’o cambeo climatico en os Pirineus y aduyar asinas a lo territorio a adaptar-se a los suyos impactos.
L’obchetivo d’iste eixe ye convertir a l’Observatorio Pirenenco de Cambeo Climatico en a plataforma de referenzia de cambeo climatico ta influyir en a presa de dezisions tot autuando como enlaz entre o mundo zientifico, os sectors sozioeconomicos y as alministrazions publicas.
Amás iste eixe busca:
- Amillorar a conoixenzia sobre o cambeo climatico en os Pirineus, analisando en profundidat aquels ambitos d’o territorio más afeutaus.
- Asegurar a transferenzia de recomendazions y resultaus d’a totalidat d’achens d’o territorio y aumentar a visibilidat d’a cordelera.
2. Promover l’analisi d’as vulnerabilidaz, impactos y risgos ta poder definir midas idonias a lo respeuto.
3. Conoxer as nezesidaz d’informazión d’as instituzions y achens clau.
4. Fomentar y partizipar en proyeutos d’implementazión d’aizions innovadoras d’adaptazión y/u mitigazión d’o cambeo climatico en os Pirineus, espezialmén en os sectors sozioeconomicos clau d’o territorio pirenenco.
5. Conoxer y difundir as buenas prauticas sobre o cambeo climatico d’os Pirineus y atros mazizos montañosos.
6. Promover a encorporazión transversal d’o cambeo climatico en autuazions d’os atros eixes d’a EPi, como puede estar a economía zircular y a innovazión en l’eixe 2.
7. Realizar informes u publicazions de caráuter divulgativo basadas en as nezesidaz detectadas, ta permitir una apropiazión efeutiva d’o conoixenzia zientificos por parte as instituzions y achens d’o territorio.
8. Dar a conoxer os contenius d’o geoportal y portalada d’informazión.
9. Realizar tallers partizipativos sobre temas clau.
10. Elaborar materials graficos de difusión y campañas de comunicazión.
11. Comunicar l’actividat de l’OPCC y l’abanz d’os proyeutos dentro d’o territorio d’a CTP, ta lo conoixenzia por parte d’a poblazión y a resta d’achens. Treballar en aizions d’educazión ambiental.
12. Partizipar activamén en rez y proyeutos internazionals con atros territorios de montaña. Apoyar y treballar en colaborazión con os rez de chestión y educazión ambiental.
13. Establir relazions d’intrés mutuo entre achens y instituzions europeas relazionadas con as nuestras autuazions.
14. Enlazar o portal de l’OPCC con os portals d’entidaz rechionals, alministrazions, rez y iniziativas internazionals ta visibilizar informazión de valor.
15. Diversificar as fuens de finanziamiento ta dotar a l’OPCC de más recursos y proyeutos (SUDOE, LIFE+, H2020 u atros).
Promozión d’iniziativas y atrautivo d’o territorio
Unidat de desembolique y dinamizazión d’a CTP (UD2)]
EIXE 2
L’eixe 2 d’a Estratechia Pirenenca, de dimensión sozial, podría considerar-se como o suyo eixe zentral, pus s’ha conzebiu dende un punto de vista integrador que toca elementos d’a resta d’a Estratechia. En él s’abordan cuestions tan importans como a choventut, a salut y a cultura.
L’obchetivo d’iste eixe ye dotar a la CTP d’un rol dinamizador que favoreixca a capitalizazión de buenas prauticas entre proyeutos de cooperazión transfronteriza, asinas como atorgar-le un rol informativo sobre fuens de finanziamiento.
Amás iste eixe busca:
- Vertebre a EPi y le aporte coherenzia, aumentando a efizienzia d’a resta d’eixes.
- Desembolique proyectos de cooperazión a la mida d’as nezesidaz d’os territorios y os suyos achens.
- Obtienga nuevas fuens de finanziamiento.
- Replique modelos d’esito (de proyeutos POCTEFA y atros) ta transmitir referenzias de buenas prauticas en as arias de: turismo, agroalimentazión, economía zircular, innovazión, diversidat e inclusión, patrimonio cultural, natural y lingüistico, servizios de proximidat y seguridat.
2. Crear a «CTP Choven» (dentro d’a UD2), enfilada a la realizazión d’autuazions vinculadas a la choventut. Priorizando a mobilidat laboral y educativa transfronteriza, a traviés d’a conoixenzia u armonizazión normativa; a captazión y coordinazión entre achens, servizios y profesionals (servizios de choventut) y a promozión d’autividaz y iniziativas.
3. Crear a «CTP Zientifica» en Biozienzia, Biosalut y Enerchía (dentro d’a UD2), coneutar o texiu productivo con as diferens estratechias d’espezializazión intelichén.
4. Treballar en estratechias que consoliden una mayor presenzia de mullers evitando fenomenos como l’emprendimiento invisible en os negozios familiars en o meyo rural.
5. Proposar aizions de cooperazión en desembolique local y economico que milloren l’atrautivo d’o territorio. Ta ixo, se realizará una labor de benchmarking, buscando y analisando esperenzias esternas a lo territorio sobre situazions similars, asinas como en o contesto d’os proyeutos POCTEFA. Amás, se replegará l’aprendiu en o proyeuto Ulysses ta diseñar autividaz que aseguren a implementazión y a perdurabilidat d’as politicas.
6. Identificar nuevas fuens d’emplego asinas como profesiones de futuro ta la montaña y o litoral, crear un ret transfronterizo d’ofiertas d’emplego con l’obchetivo de combatir a estazionalizazión d’os treballos. Crear un modelo de desembolique de nuevas profesions.
7. Aumentar a conisión en ret d’as ziudaz transfronterizas, treballando en particular sobre o suyo atrautivo y a suya responsabilidat en a redistribuzión de fluxos turisticos ta la cordelera.
8. Enfortir a cooperazión transfronteriza en materia de creatividat e innovazión sozial por y ta lo territorio: a diversidat lingüistica, o turismo sostenible, a promozión d’o consumo de productos locals y a economía zircular, tot ixo conchugando a montaña y o litoral.
9. Crear una marca que represiente una imachen conchunta d’o Pirineu y que replegue a identidat d’o territorio y as suyas carauteristicas.
10. Enchegar nuevos proyeutos de cooperazión a traviés d’a chestión d’o POCTEFA y nuevas ferramientas de dinamizazión d’o territorio pirenenco como podrían estar os chicoz proyeutos de cooperazión.
Mobilidat, coneutividat y azesibilidat
Rolde de Treballo d’infraestruturas, transporte y comunicazions
EIXE 3
Un territorio más coneutau ye un territorio más azesible. A Estratechia Pirenenca ha cuenta d’as nezesidaz de coneutividat, mobilidat y azesibilidaz de qui abitan os Pirineus ta tratar de millorar a suya calidat de vida.
O terzer eixe d’a Estratechia Pirenenca quiere recuperar o treballo ya realizau en o pasau por a CTP en materia d’infraestruturas, transporte y comunicazión, amplando-lo a las conisions dichitals y as enercheticas.
Amás iste eixe busca:
- Fomentar o dialogo ta millorar a conectividat, mobilidat y azesibilidat entre territorios.
- Propiziar a comunicazión efeutiva en toz os ambitos d’a cooperazión transfronteriza.
1. Crear un rechistro autualizau d’infraestruturas de transporte (linials y nodales) en l’entorno pirenenco, asinas como un rechistro de servizios de transporte coleutivo terrestre transpirenenco. Con istas aizions se busca millorar o conoixenzia sobre os fluxos de personas y mercaderías.
2. Analisar as nezesidaz d’infraestrutura de comunicazions (incluyida a coneutividat móvil y inalámbrica) y telecomunicazions a curto, meyo y largo plazo, guarenziando que os intréses d’a ziudadanía d’o territorio pirenenco sían por alto d’os intréses economicos.
3. Analisar as infraestruturas vinculadas a aspeutos sanitarios y de protezión zivil en os cuals s’observan dificultaz d’azesibilidat a los servizios; identificando retos clau ta la cooperazión transfronteriza.
4. Planificar (y crear cuan prozeda) infraestruturas transfronterizas que sirvan de zeprens ta lo desembolique economico y turistico entre a totalidat d’actors locals d’o territorio pirenenco.
5. Estudiar a posibilidat d’empentar proyeutos europeus transfronterizos que milloren as conisions enercheticas d’os Estaus que configuran o territorio d’a CTP.
6. Estudiar a posibilidat d’implementar aizions que aborden a transizión enerchetica.
7. Avaluar as nezesidaz de conectividat en o territorio.
8. Empentar alcuerdos interalministrativos que afavoreixcan a mobilidat entre territorios.
Gobernanza, capitalizazión y comunicazión
Lobby d’a CTP
EIXE 4 u transversal
Posizionar a los Pirineus en l’achenda politica, fer valer os suyos intréses debán de as instituzions europeas y influyir en a elaborazión d’as politicas publicas d’os territorios: l’eixe transversal d’a Estratechia Pirenenca actúa como amplificador d’as aizions y resultaus d’a Estratechia.
L’obchetivo d’iste eixe ye constituyir a la CTP como lobby a libel europeu y empentar o suyo papel como referén permanén de cooperazión transfronteriza.
Amás iste eixe busca:
- Influyir en a elaborazión d’as politicas publicas d’os territorios.
- Fomentar a presenzia d’as iniziativas d’a CTP en os documentos y as estratechias europeas.
- Afavorir a captazión de nuevos fondos de finanziamiento.
2. Asegurar a continuidat d’as aizions d’a CTP, a coordinazión y os organos de gubierno.
3. Establir un rolde de treballo que estudie a relazión d’a Estratechia con o futuro marco comunitario 2021-2027.
4. Dinamizar a gobernanza partizipativa d’a CTP.
5. Analisar, proposar y replecar fondos.
6. Analisar fundamén as diverchenzias normativas y alministrativas d’o territorio.
7. Adubir l’adopzión d’a Estratechia Pirenenca por parte de totas as instituzions implicadas.
8. Elaborar y posteriormén autualizar o Plan de Comunicazión d’a CTP ta millorar a notoriedat y reconoixenzia d’a CTP.
9. Difundir as buenas prauticas y os resultaus d’os proyeutos.
10. Capitalizar os proyeutos POCTEFA y atros ta aumentar a visibilidat d’o ret d’iniziativas y proyeutos d’a CTP.