Aises de l’Estrategia pirenenca
Descargue l’estrategia dels Pirenèus aicí. 
Accion pel climat
Ais 1
Observatòri Pirenenc del Cambiament Climatic (OPCC)
Pel mejan de l’Observatòri Pirenenc del Cambiament Climatic (OPCC), la CTP trabalha dempuèi 2010 per analizar e comprene lo fenomèn del cambiament climatic dins los Pirenèus e aital ajudar lo territòri a s’adaptar a sos impactes.
La tòca d’aqueste ais es far tornar lo Observatòri Pirenenc del Cambiament Climatic en la platafòrma de referéncia en cambiament climatir per influir en la presa de decisions en agissent coma ligam entre lo monde scientific, los sectors socio-economics e las administracions publicas.
En mai d’aquò, aqueste ais ensaja de:
- melhorar las coneissenças sul cambiament climatic dins los Pirenèus, en analizant en prigondor las zònas mai afectadas del territòri.
- assegurar la transferéncias de recomendacions e resultats de la totalitat d’agents del territòri e tornar lo massís mai visible.
- Elaborar recomendacions de melhorament de la collècta de donadas climaticas, fenologicas, de l’utilisation del sòl e d’autras informacions ligadas a l’adaptacion del territòrio (infrastructura verda, connectivitat ecologica).
- Promòure l’analisi de las vulnerabilitats, impactes e risques per que s’i pòscan definir las mesuras apropriadas.
- Descobrir los besonhs en informacion de las institucions e agents principals.
- Encoratjar e participar de projèctes d’implementacion d’accions innovantas d’adaptacion e/o d’atenuacion del cambiament climatic dins los Pirenèus, mai que mai dins los sectors socio-economics principals del territòri pirenenc.
- Descobrir e difusar las bonas practicas sul cambiament climatic dins los Pirenèus e d’autres massisses montanhoses.
- Promòure l’incorporacion transversala del cambiament climatic en agissent dins los autres aises de l’EPi, coma l’economia circulara e l’innovacion dins l’aisse 2.
- Redigir comunicats o publicacions de caràcter informatiu basats suls besonhs detectats, per permetre una apropriacion efectiva de las coneissenças scientificas per la institucions e agents del territòri.
- Far conéisser los contenguts del geoportal e del portal d’informacions.
- Organizar talhèrs participatius sus de tematicas clau.
- Elaborar materials grafics de difusion emai campanhas de comunicacion.
- Comunicar las activitats de l’OPCC e las avançadas dels projèctes dins lo territòri de la CTP, per ne far assabentar la populacion e los autres agents. Trabalhar dins d’accions d’educacion ambientala.
- Participar activament dins de malhums e projèctes internacionals amb d’autres territòris de montanha. Sosténer e trabalhar en collaboracion amb los malhums de gestion e educacion ambientala.
- Establir rapòrts d’interès mutual entre los agents e las institucions europèas ligadas a la nòstra actuacion.
- Connectar lo portal de l’OPCC amb los d’entitats regionalas, administracions, malhums e iniciativas internacionalas per far visibla tota informacion de valor.
- Diversificar las sorsas de finançament per dotar l’OPCC de mai ressorças e projèctes (SUDOE, LIFE+, H2020 o d’autres).
Promocion de las iniciativas e dels atraches del territòri
Ais 2
De dimension sociala, se pòt considerar l’ais 2 de l’Estrategia pirenenca coma central, que foguèt concebut d’un punch de vista d’integracion que pertòca d’elements del rèste de l’Estrategia. Sus èl, son abordadas questions fòrça importantas, coma la joinessa, la santat e la cultura.
La tòca d’aqueste ais es de dotar la CTP d’un ròtle motor que favorisca la capitalizacion de bonas practicas entre los projèctes de cooperacion transfrontalièra, aital coma li balhar un ròtle d’informacion sus las sorsas de finançament.
En mai d’aquò, aqueste ais ensaja de:
- menar l’EPi e li donar una coeréncia, en aumentant l’eficiéncia dels autres aisses.
- desvolopar projèctes de cooperacion segon los besonhs dels territòris e sos agents.
- obténer nòvas sorsas de finançament.
- reprodusir modèles capitats (de projèctes POCTEFA e d’autres) per transmetre referéncias de bonas practicas dins los domenis del turismo, agroalimentari, economia circulara, innovacion, diversitat e inclusion, patrimòni cultural, natural e lingüistic, servicis de proximitat e seguritat.
- Organizar l’Unitat de Desvolopament e Dinamisacion de la CTP (UD2).
- Crear la « CTP Joves » (dins l’UD2), orientada cap a la realizacion d’actuacions ligadas a la joinessa. En donant la prioritat a la mobilitat laborala e educativa transfrontalièra, pel mejan de las coneissenças o de l’armonizacion normativa; l’aquisicion e coordinacion entre los agents, servicis e professionals (servicis de joinessa) e la promocion d’activitats e iniciativas.
- Crear la « CTP Scientifica » en Biosciéncia, Biosantat e Energia (dins l’UD2), en conectant lo malhum de produccion amb las divèrsas estrategias d’especializacion inteligenta.
- Trabalhar per estrategias que consoliden una preséncia mai granda de las femnas dins l’economia, en evitant fenomèns coma lor invisibilitat dins las entrepresas familialas dins lo mitan rural.
- Prepausar d’accions de cooperacion de desvolopament local e economic que melhoren los atraches del territòri. Per aquò, se realizarà un trabalh de benchmarking, en cercant e en analizant experiéncias extèrnas al territòri dins de situacions semblablas, aital coma dins lo contèxte dels projèctes POCTEFA. En mai d’aquò, s’utilizarà l’experiéncia del projècte Ulysses per concebre activitats qu’asseguren l’implementacion e la perenitat de las politicas.
- Identificar nòvas sorsas d’emplec e mestièrs d’avenidor dins las montanhas e la còsta, crear un malhum transfrontalièr d’ofèrtas d’emplec amb la tòca de combatre la sasonalizacion dels emplecs. Crear un modèl de desvolopament de nòus mestièrs. Crear un modèl de desvolopament de nòus mestièrs.
- Intensificar la mesa en malhum de las vilas transfrontalièras, en trabalhant en particular sos atraches e sa responsabilitat dins la redistribuicion de flusses toristics cap al massís.
- Afortir la cooperacion transfrontalièra en matèria de creativitat e innovacion sociala de la part del territòri a son pròpri profièch: la diversitat lingüistica, lo torisme sostenible, la promocion de la consomacion de produches locals e l’economia circulara, tot en raliant la montanha e la còsta.
- Crear una marca que represente un imatge d’ensems dels Pirenèus e qu’englòbe l’identitat e las caracteristicas del territòri.
- Organizar nòus projèctes de cooperacion pel mejan de la gestion del POCTEFA e nòus espleches de dinamizacion del territòri pirenenc coma los pichons projèctes de cooperacion.
Mobilitat, connectivitat e accessibilitat
AIS 3
Un territòri mai connectat es un territòri mai accesible. L’Estrategia pirenenca ten compte dels besonhs en connectivitat, mobilitat e accessibilitat de totes que demòran dins los Pirenèus pr’amor de melhorar lor qualitat de vida.
Amb lo tresen ais de l’Estrategia pirenenca, se vòl contunhar lo trabalh ja realizat d’aquí enrèire per la CTP en matèria d’infrastructuras, transpòrt e comunicacion, tot en l’alargant a las conexions numericas e energeticas.
En mai d’aquò, aqueste ais ensaja de:
- encoratjar lo dialòg per melhorar la connectivitat, la mobilitat e l’accessibilitat entre los territòris.
- favorizar la comunicacion efectiva dins totes los domenis de la cooperacion transfrontalièra.
- Crear un registre mes a jorn d’infrastructuras de transpòrt (lineàrias e nodalas) a l’entorn dels Pirenèus, aital coma un registre de servicis de transpòrt collectiu terrèstre transpirenenc. Amb aquestas accions, s’ensaja de melhorar las coneissenças suls flusses de personas e mercandisas.
- Analizar los besonhs en infrastructura en comunicacions (compresa la connectivitat mobila e sens fil) e telecomunicacions a cort, mejan e long tèrme, en garantissent que los interesses dels ciutadans del territòri pirenenc ajan l’avantatge suls interesses economics.
- Analizar las infrastructuras ligadas a d’aspèctes sanitaris e de proteccion civila que presentan dificultats d’accessibilitar als servicis; en identificant escomesas clau per la cooperacion transfrontalièra.
- Planificar (e, tombant lo cas, crear) infrastructuras transfrontalièras qu’alussen lo desvolopament economic e toristic per totes los actors locals del territòri pirenenc.
- Estudiar la possibilitat de sosténer projèctes europèus transfrontalièrs que melhoren lo malhum energetic dels Estats que constituisson lo territòri de la CTP.
- Estudiar la posibilitat d’aplicar accions qu’agiscan sus la transicion energetica.
- Avalorar los besonhs en connectivitat dins lo territòri.
- Sosténer acòrdis interadministratius que favorizen la mobilitat entre los territòris.
Governança, capitalizacion e comunicacion
Ais 4 o transversal
Trobar una plaça pels Pirinèus dins l’agendà politica, far valer sos interesses dins las institucions europèas e influir dins l’elaboracion de las politicas publicas dels territòris: l’ais transversal de l’Estrategia pirenenca agís coma amplificator de las accions e resultats de l’Estrategia.
La tòca d’aqueste ais es far de la CTP un lobby a nivèl europèu e sosténer son ròtle coma referéncia permanent en matéria de cooperacion transfrontalièra.
En mai d’aquò, aqueste ais ensaja de:
- influir dins l’elaboracion de las politicas publicas dels territòris.
- encoratjar la preséncia de las iniciativas de la CTP dins los documents e las estrategias europèas.
- favorisar la collècta de nòus fons de finançament.
- Constituir la CTP coma lobby.
- Assegurar la pereneitat de las accions de la CTP, la coordinacion e los organs de govèrn.
- Establir un grop de trabalh qu’estúdie lo rapòrt entre l’Estrategia e lo futur cadre comunitari 2021-2027.
- Dinamizar la governança participativa de la CTP.
- Analizar, prepausar e collectar de fonds.
- Analizar en prigondor las divergéncias normativas e administrativas del territòri.
- Capitar l’adopcion de l’Estrategia pirenenca per totas las institucions implicadas.
- Elaborar e puèi metre a jorn lo Plan de Comunicacion de la CTP per melhorar la notorietat e la reconeissença de la CTP.
- Difusar las bonas practicas e los resultats dels projèctes.
- Capitalizar los projèctes POCTEFA e d’autres per tornar mai visible lo malhum d’iniciativas e projèctes de la CTP.
