COMUNIDAT DE TREBALLO D’OS PIRINEUS
TERRITORIOS
A CTP ye formada por:
as rechions franzesas de Nueva Aquitania y Oczitania.
as Comunidaz Autonomas españolas de Cataluña, Aragón, Nabarra y País Basco.
o Prenzipau d’Andorra.
O territorio d’a CTP ye carauterizau por una frontera que ye de tot montañosa con a cordelera pirenenca como barrache fisico y que va dende a costa atlantica a la mediterrania.
Total poblazión:: 23.492.434 abitadors
Superfizie: 254.776 km2
Kilometros de muga: 656 km
Kilómetros de costa: 2.062 km
Luengas que se fablan en o territorio: español, francés, catalán, euskera, oczitano, aragonés y poitevin-saintongeais.
Misión y organización
Misión
L’obchetivo d’a CTP ye contribuyir a lo desembolique d’os Pirineus, abendo cuenta d’os suyos desafíos y apoyando-se en as suyas fortalezas. Fa más de tres dezenios que a CTP busca afavorir os intercambeos entre os territorios y as y os actors d’o mazizo pirenenco, trobar soluzions conchuntas a os suyos problemas comuns y enchegar aizions transfronterizas.
Os suyos obchetivos:
- Afavorir os intercambeos entre os territorios y as y os actors d’o Mazizo pirenenco,
- Tratar conchuntamén as problematicas que afeutan a lo mazizo,
- Buscar soluzions comuns a os retos identificaus,
- Enchegar aizions compartidas y estructurals d’alcanz transnazional.
A CTP treballa prenzipalmén con dos instrumentos:
- Programa Interreg V-A España-Franzia-Andorra (POCTEFA 2014-2020) (www.poctefa.eu) d’o que ye Autoridat de Chestión igual que lo ye d’o Programa d’o periodo anterior (POCTEFA 2007-2013) y aspira a estar-lo d’o prosimo (POCTEFA 2021-2027).
- Estrategia PirenaicaEstratechia Pirenenca. A CTP leva dende 2016 treballando en a Estratechia Pirenenca que se siñó en noviembre de 2018. Ye o plan d’aizión d’o territorio dica 2024 y a ista estratechia perteneixen proyeutos emblematicos d’a CTP como l’OPCC y lo d’Emerchenzias medicas «Cuan as emerchenzias medicas borran as mugas»
As suyas aizions
A causa d’a espezifizidat d’a suya situazión cheografica y politica; un territorio construyiu arredol d’a Cordelera d’os Pirineus, entre dos mars (Atlantico y Mediterranio) y a carramanchons sobre tres Estaus, a CTP ha de contemplar diferens lechislazions y treballar con una multiplizidat d’entidaz (Estaus, Entidaz locals franzesas y Comunidaz autonomas españolas).
En iste contesto, a CTP tiene por obcheto estar un espazio d’intercambeo y d’ideas amás d’estar cheneradora de propuestas que buscan:
- millorar a calidat de vida d’os suyos abitadors incrementando a ofierta de transporte,
- enfortir a integrazión transfronteriza,
- desarrollar sinerchias en materia economica taa las interpresas y a choventut que se ye formando,
- chenerar una zona d’intercambeo en o sur d’Europa,
- fomentar a innovazión, a investigazión y a cooperazión entre universidaz,
- fomentar o conoixenzia d’os suyos territorios, espezialmén, o suyo patrimonio cultural, natural y desarrollar un turismo sostenible.
ORGANIZAZIÓN D’A CTP
AS PRESIDENZIAS D’A CTP
A presidenzia d’a Comunidat de Treballo d’os Pirineus ye un cargo rotatorio que cambia cada dos años.
A presidenzia tiene como obchetivo empentar, en estreita colaborazión con os territorios integrans d’a CTP, a mesa en marcha de proyeutos estructurals que busquen afavorir o desembolique economico y sozial d’o espazio pirenenco y d’as zonas litorals que forman parte d’o territorio d’a Comunidat de Treballo d’os Pirineus. O/a presidén/a represienta a la CTP y convoca y preside o Pleno (u plenario) que s’achunta una vegada a l’año.
Dende 1983 a CTP ha treballau ta millorar a vida d’as y os abitadors d’o territorio d’a CTP a traviés d’os proyeutos empentaus.
L’orden de rotazión ye o siguién:
- Nueva Aquitania
- Aragón
- Catalunya
- País Basco
- Oczitania
- Nabarra
- Prinzipau d’Andorra
AS PRESIDENZIAS D’A CTP
A SECRETARÍA CHENERAL
Depende d’a Presidenzia y tiene como labor a organizazión d’as reunions d’o Comité Eixecutivo y o seguimiento d’as aizions emprendidas por a CTP y d’a suya situazión finanziera. Ye formada por un/a Secretario/a Cheneral, nombrau por o/a presidén/enta en eixerzizio, dezaga de rezibir l’aprebazión d’a resta d’integrans d’a CTP.
O COMITÉ EIXECUTIVO
Ye l’organo de dezisión d’a CTP y ye formau por un/a representán titular y un/a portanvezes de cada territorio.
Coordina y s’encarga d’implantar o programa d’aizions d’a presidenzia.
PRESIDENZIA AUTUAL
Ta lo periodo comprendiu entre 2023 y 2025 a Rechión d’Oczitania ocupa a Presidenzia d’a CTP.
Presidenta d’a CTP: Carole Delga, Presidenta d’a Rechión d’Oczitania
Secretario Cheneral: Yann Hélary
Adreza: Hôtel de Région Toulouse
22, boulevard du maréchal Juin
31406 Toulouse Cedex 9
Codigo postal: 31406
Ziudat: Toulouse
Teléfono: +33(0)5 61 39 67 21
Email: secretaria.general@ctp.org
Pachina web d’a presidenzia: www.laregion.fr
Mandau d’o Presidenta:
“Os nuestros Pirineus, un territorio t’alzar y compartir”.
A Rechión d’Oczitania tiene a onor d’asumir a Presidenzia d’a Comunidat de Treballo d’os Pirineus 2023-2025.
Como Presidenzia, queremos fer un poder ta cooperar con os gubiernos rechionals miembros, pero tamién con os actors d’o territorio, os usuarios d’os proyeutos y os ziudadans.
Aprezisamos de totas as fuerzas vivas ta superar os retos comuns en os territorios d’o mazizo pirenaico.
Entre sieglos, os Pirineus han estau consideraus una muga cheografica. Dende os años 40, a CTP treballa ta superar barraches a traviés d’a cooperazión. Enguán, ista cooperazión ye más nezesaria –mesmo indispensable– que mai.
Debán d’o cambio climatico, nomás una respuesta conchunta podrá tener l’impauto sufizién t’achiquir os efeutos, más que más en os Pirineus, do as consecuenzias d’o cambio climatico son encara más importans que en a resta d’Europa. Por ixo, astí as midas abrán d’estar más coordinadas que en garra atro puesto.
Con o proyeuto PYRENEES4CLIMA, cual presupuesto puya a cuasi 20 millons d’euros y embreca a 46 colaboradors, franzeses, andorrans y españols, a CTP se i compromete de manera dezidida a enchegar a estratechia pirenaica sobre o cambio climatico (EPiCC), a primera estratechia europea espezificamén creada ta una biorrechión de montaña y trasbuegatiza.
Os Pirineus son un territorio natural d’una riqueza eszezional y un patrimonio inestimable. Compartimos os parques nazionals y rechionals, asinas como una diversidat unica, pero tamién nos une a cultura y tenemos en comuna a unión a las nuestras respeutivas luengas.
Emos de trobar tamién soluzions debán d’a despoblazión d’os nuestros territorios (y, más que más, debán d’a desertificazión medica), redinamizar a economía, aduyar a la choventut a instalar-se aquí y encluyir-la más en as nuestras politicas.
Abremos de seguir treballando chuntos ta mantener un saber fer, pero tamién ta continar buscando soluzions innovadoras que permitan fer fren a los cambios sozials y medioambientals.
En iste contesto, as prioridaz d’a Presidenzia oczitana d’a CTP son:
- Prioridat 1: responder a la urchenzia climatica utilizando o proyeuto PYRENEES4CLIMA «Ta una comunidat de montaña trasbuegatiza resistente a lo clima en os Pirineus».
- Prioridat 2: encluyir a la choventut en a elaborazión de totas as politicas d’a CTP y, de manera más concreta, en a suya fuella de rota.
- Prioridat 3: treballar con os territorios en as soluzions debán d’a desertificazión medica y continar fendo d’a salut un reto mayor ta los Pirineus.
- Prioridat 4: levar as valors a lo zentro d’as nuestras politicas a favor d’a ziudadanía, como a obredura y a solidaridat, a cultura y a identidat pirenaica, o patrimonio inmaterial común y as luengas rechionals.
- Prioridat 5: comunicar-nos millor con a ziudadanía y permitir una millor difusión d’os resultaus d’os proyeutos territorials trasbuegatizos.
- Prioridat 6: treballar autivamén con o conchunto d’achens europeus, nazionals y locals ta lo desembolique d’os usuarios y usuarias de l’hidrocheno y d’as infraestruturas inerens a traviés d’una mesa en comuna de conoixenzias, un treballo de lobbying y de prebas.
- Prioridat 7: fer d’a CTP un actor mayor d’a politica europea e internazional partizipando autivamén en a elaborazión d’as politicas europeas y, espezialmén, en o prosimo informe de Coesión. A CTP, como autoridat de chestión de POCTEFA, ha de embrecar-se ta levar a cabo as responsabilidaz que a Comisión Europea y os Estaus le han conferiu, pero tamién abrá de zentrar-se en realizar propuestas dentro d’o marco politico rechional, siempre permanexendo amán d’a ziudadanía y d’as personas usuarias d’os proyeutos.
Carole DELGA
Presidenta d’a Rechión d’Oczitania
Presidenta d’a Comunidat de Treballo d’os Pirineus
Autoridat de Chestión d’o POCTEFA
Dende 2007 a CTP ye Autoridat de Chestión d’o programa Interreg IV-A España-Franzia-Andorra (POCTEFA 2007-2013). A CTP ye tamién Autoridat de Chestión d’o programa Interreg V-A España-Franzia-Andorra (POCTEFA 2014-2020) y d’o Interreg VI-A España-Franzia-Andorra (POCTEFA 2021-2027).
O programa POCTEFA tiene por obchetivo promover y cofinanziar proyeutos de cooperazión realizaus por achens sozioeconomicos de Franzia, España y Andorra situaus en a zona transbuegatiza eslechible. Más informazión en a web d’o programa POCTEFA.
O programa Interreg VI-A España-Franzia-Andorra (POCTEFA 2021-2027) estió aprobau lo 23 de noviembre de 2022 por a Comisión Europea. A dotazión d’a Unión Europea a traviés d’o Fondo Europeu de Desembolique Rechional (FEDER) conzedita a lo POCTEFA 2021-2027 ye de 243 millons d’euros.
O Programa POCTEFA 2014-2020 conté con una dotazión d’a Unión Europea a traviés d’o FEDER de 189 millons d’euros (178 millons sin l’Asistenzia Teunica) y s’organizé en zinco eixes. Se finanzioron 175 proyeutos transbuegatizos.
A lo largo d’o Programa POCTEFA 2007-2013 se programoron 152 proyeutos emprendius grazias a lo FEDER disponible: 168 millons d’euros con os cuals se dotó a ista ferramienta europea de cooperazión. Iste programa ha plegau a lo 99% de libel d’eixecuzión FEDER, o que significa que a chestión d’os fondos europeus por parte d’o programa ye efizién y eixemplar.
Consultas sobre o programa de cooperazión transbuegatiza Interreg VI-A España-Franzia-Andorra (POCTEFA 2021-2027):
O programa Interreg VI-A España-Francia-Andorra (POCTEFA 2021-2027), en a suya fase d’elaborazión, fazió una serie de consultas publicas:
- Una consulta previa sobre a versión provisional d’o Programa se realizó dica o 04/03/ 2021 enmarcau en o prozedimiento de l’avaluazión ambiental estratechica conforme a la lechislazión ambiental franzesa.
- Consulta publica ziudadana d’o POCTEFA 2021-2027: una versión inizial d’o futuro programa POCTEFA 2021-2027 puede consultar-se astí. O plazo de ninvío de comentarios y sucherenzias ha rematau y estió ubierto dende lo 24 de chinero a lo 13 de febrero de 2022.
- Consulta publica relativa a l’Avaluazión Ambiental Estratechica d’o POCTEFA 2021-2027: o estudio ambiental estratechico, o resumen no teunico d’o estudio ambiental y a versión inizial d’o futuro programa POCTEFA 2021-2027 estioron disponibles ta consulta. O plazo de ninvío de comentarios y sucherenzias ha rematau y estió ubierto d’o 2 de febrero a lo 5 d’abril de 2022
Plenario
O plenario ye a reunión añal d’os presidens y as presidentas d’os territorios d’a CTP. En o plenario s’alcuerdan as orientazions estratechicas y politicas d’o Consorzio d’a CTP basadas en as propuestas realizadas por o Comité Eixecutivo. Istas orientazions se replegan cada año en un documento clamau «Declarazión común de presidens/entas» que se siña durante l’evento.
En noviembre de 2023 se zelebró o 41 plenario d’a CTP en Busturia, Bizkaia. Aquí puede consultar a Declarazión comuna de presidens siñada en noviembre de 2023.
Amás, en o marco d’iste Plenario, se siñó o/o “Compromiso ta la promozión de l’hidrocheno renovable” que se puede descargar aquí.
FAQ Preguntas frecuens
L’obchetivo d’a CTP ye contribuyir a lo desembolique d’os Pirineus, abendo cuenta d’os suyos desafíos y apoyando-se en as suyas fortalezas. Fa más de tres dezenios que a CTP busca afavorir os intercambeos entre os territorios y as y os actors d’a cordelera pirenenca, trobar soluzions conchuntas a os suyos problemas comuns y enchegar aizions transfronterizas.
Ye formau por:
- Dos rechions franzesas: Nueva Aquitania y Oczitania/Pirineus-Mediterranio.
- Cuatre comunidaz autonomas españolas: Aragón, Cataluña, País Basco y Nabarra.
- O Prenzipau d’Andorra.
Puez consultar más informazión sobre os proyeutos promovius por a CTP astí y sobre o programa POCTEFA, chestionau por a CTP, astí.
No podemos guarenziar que apoyaremos o tuyo proyeuto, pero escuitaremos a tuya propuesta y te responderemos.
A seu alministrativa d’a CTP se localiza en l’edifizio de l’Instituto Pirenenco d’Ecolochía (IPE), en o numero 8 de l’Avenida Nuestra Señora de la Victoria de Jaca/Chaca (Uesca).