A Estratechia Pirenenca d’a CTP

A Estratechia

A Estratechia Pirenenca (EPI) ye o plan d’aizión d’a Comunidat de Treballo d’os Pirineus aón se i estableixen as prioridaz ta o desembolique d’o territorio pirenenco y as aizions ta amillorar a vida d’os suyos abitans dende 2018 y dica 2024.

PRIMER BORRADOR

Baixo a presidenzia de Nouvelle-Aquitaine (2015-2017)

APREBADA

Durante a presidenzia d’Aragón (2017-2019)

DESEMBOLIQUE

Dende 2018 dica 2024. A cargo d’as presidenzias d’Aragón, Cataluña, País Basco y Oczitania.

Dende a suya creazión en 1983, a CTP s’ha basau en a cooperazión transfronteriza entre as suyasintegrantes. En 2005 CTP se convirtió en Consorzio y estió designada Autoridat de Chestión d’o Programa Operativo de Cooperación Territorial España-Francia-Andorra (POCTEFA).

A CTP quereba responder a retos de desembolique d’os territorios pirenencos dillá d’o POCTEFA. D’astí surtió a Estratechia Pirenenca, que pretende convertir a la CTP en o referén de coesión economica, sozial y territorial d’os Pirineus, asinas como en a defensora d’os intréses pirenencos debán de as instituzions d’a Unión Europea.

En 2018 a CTP encomenza a meter en marcha a Estratechia Pirenenca.

A CTP busca responder a las suyas orientazions fundadoras y continar fomentando a coesión economica, sozial y territorial entre os territorios que la aconforman, en sintonía con a Politica de Coesión Europea.

Dó se desarrolla a Estratechia Pirenenca?

As aizions d’a Estratechia Pirenenca se desarrollarán en un perimetro dillá d’as zonas d’alta montaña, abarcando tamién toz ixos territorios zercanos a la cordelera pirenenca. Iste ambito d’azión, responde a la voluntat de tener una perspectiva más ampla, que contemple más factors que afectan a o desembolique d’a cooperazión transfronteriza.

En qué treballa a Estratechia Pirenenca?

Os 15 millons de personas que viven en l’ambito d’azión d’a Estratechia Pirenenca s’enfrontinan a una serie de retos comuns, como por eixemplo:

A mitigazión y adaptazión a lo cambeo climatico y a prevenzión de risgos naturals.
A manca d’una estratechia a largo plazo ta amillorar a calidat de vida y l’atractivo d’o territorio que guarenzie os servizios de proximidat, asinas como abordar os libels desiguals d’innovazión e investigazión.
As dificultaz de mobilidat (transporte, infraestructuras) y conectividat dichital, que impactan en o texiu empresarial y se traduzen en un declín d’as industrias locals.

A Estratechia pretende estar l’instrumento que combine totas istas realidaz cheograficas, sozials y economicas ta abordar istos retos territorials.

Obchetivos:

Ta concarar istos desafíos, a Estratechia Pirenenca s’organiza en eixes tematicos y estableix una serie d’obchetivos operativos:

• Desembolicar l’Observatorio Pirenenco de Cambeo Climatico (OPCC)
• Crear a Unidat de Desembolique y Dinamizazión (UD2)
• Crear un Rolde de Treballo d’infraestruturas, transporte y comunicazions
• Constituyir a la CTP como lobby d’os intreses pirenencos
Descarga a Estratechia Pirenenca