Foro transpirenenco d’a choventut – ERASMUS+

A Comunidat de Treballo d’os Pirineus lidera o proyeuto d’o Foro Transpirenenco d’a Choventut en o marco d’o programa Erasmus+. Ista iniziativa, tamién conoxida como Pyrenean Youth, tiene por obchetivo compartir as reflesions d’as personas chovens d’os Pirineus ta meter de relieu as suyas nezesidaz y enfortir l’impauto d’a choventut en as politicas publicas d’os territorios pirenencos. O proyeuto Pyrenean Youth organizó una trobada presenzial de chovens y representans politicos en Biescas y O Pueyo de Chaca os días 1, 2 y 3 d’otubre de 2021. Más informazión astí.

A idea de meter en marcha un Foro Transpirenenco d’a Choventut resulta d’o treballo d’o Rolde de Treballo de Choventut d’a CTP, creau grazias a la Estratechia Pirenenca 2018-2024 cual obchetivo ye fomentar a partizipazión autiva d’os chovens d’o territorio transfronterizo. Os partizipans represientan a los siete territorios d’a CTP (Nueva Aquitania, Oczitania, País Basco, Nabarra, Aragón, Cataluña y Andorra).

Se preveyen tamién trobadas virtuals ta definir as linias d’un futuro “Consello chovenil transpirenenco”.

Amás d’a CTP, forman parte d’iste proyeuto a Rechión Nueva Aquitania y a Rechión Oczitania.