Emerchenzias medicas – EMS – B Solutions
O Consorzio d’a Comunidat de Treballo d’os Pirineus (CTP) endrezó o proyeuto ya finalizau B-Solutions “Cuan as emerchenzias medicas borran as mugas” (en anglés en orichinal, “When Emergency Medical Systems erase borders”). Se trató d’un proyeuto ideyau ta millorar l’azeso d’a poblazión a os servizios sanitarios d’emerchenzia a traviés d’a eliminazión d’os obstaclos alministrativos ta millorar a efizienzia y a efeutividat de ditos servizios.
Sin a reconoixenzia academica apropiada, as y os profesionals d’emerchenzias sanitarias no podeban atender a paziens difuera d’o suyo propio territorio. “Cuan as emerchenzias medicas borran as mugas” treballó prezisamén ta que puedan treballar a toz dos costaus d’a frontera francoespañola, priorizando as nezesidaz d’a poblazión debán d’una emerchenzia y superando as barracalas alministrativas.
En agosto de 2018, l’Asoziazión Europea de Rechions Fronterizas (AEBR) – en colaborazión con a Direzión Cheneral de Politica Rechional y Urbana d’a Comisión Europea -, aprebó o finanziamiento d’o proyeuto piloto “Cuan as emerchenzias medicas borran as mugas”, que se desarrollará dica octubre de 2019. A traviés d’a iniziativa B-Solutions, a Comisión Europea finanzia iste proyeuto con 20.000 €.
Amás d’a CTP, que lidera o proyeuto, partizipaban tamién l’AECT Hospital de Cernanya, l’Agence Régionale d’a Santé Occitanie, l’Agence Régionale d’a Santé Nouvelle-Aquitaine, Emergentziak Osakidetza Euskadi, Servicio de Urgencias Extrahospitalarias de Navarra, Urgencias y Emergencias Sanitarias 061 Aragón, y l’Association Médicale Transpyrénéenne.
En qué aria treballó o proyeuto?
Obchetivos
L’obchetivo prenzipal d’o proyeuto yera adubir alcuerdos de colaborazión entre o Estau franzés, as Comunidaz Autonomas españolas y o Prenzipau d’Andorra ta siñar una convenzión que evite os obstaclos alministrativos autuals y permita a intervenzión sanitaria d’emerchenzia transfronteriza.
Contauto d’o proyeuto d’Emerchenzias medicas: contact@ctp.org
Notizias publicadas en Futurium (web d’a Comisión Europea):
‘When Medical Emergencies Erase Borders’: Emergency Healthcare Improvement in the Pyrenees
One small step for the administration, a giant leap for the Pyrenees
Work continues for the improvement of health emergencies in the Pyrenees
New legal framework for ambulances crossing french and spanish borders