LIFE PYRENEES4CLIMA
Obchectivos
Lo prencipal obchectivo d’a estratechia EPiCC ye emparar medidas integradoras d’adaptación y mitigación que crearán sinergias positivas pa amillorar radicalment la resiliencia d’a rechión hispano-franco-andorrana Pireneus a lo Cambio Climatico, y lo prochecto LIFE-SIP PYRENEES4CLIMA empara la suya plena implementación. La estratechia sigue los prencipios de:
- COOPERACIÓN TRANSFRONTERIZA. Promover la interacción entre las rechions pirenaicas per medio d’a identificación demedidas d’adaptación prioritarias comuns y armonizándolas con os esfuerzos rechionals y nacionals;
- CHENERACIÓN Y TRANSFERENCIA DE CONOIXENCIAS. Promover lo conoixencia interdisciplinar y interterritorial,la identificación d’experiencias y buenas practicas, la suya valorización y transferencia a toz los territorios y sectoresde los Pireneus;
- ACCIÓN INNOVADORA. Explorar, promover y implicar-se en enfoques innovadores, tanto tecnológicosde chestión y gobernanza, que fomenten la connexión entre ciencia, politica, practica y sociedat;
- ACCIÓN SINÉRGICA CON A ESTRATECHIA PIRENAICA D’A CTP. Promover sinergias con sectors y con accions de mitigación y la integración d’o cambio climatico en as actuacions d’atras arias y sectors d’a Estratechia Pirenaica 2018-2024;
- VISIBILIDAT EUROPEA Y INTERNACIONAL. Contribuyir a la visibilidat europea y internacional d’a especificidat climatica d’as zonas de montanya y lo carácter transfronterizo d’os Pireneus.
Obchectivo especifico 1
Amillorar la resiliencia d’os Pireneus a lo cambio climatico como elemento substancial pa amillorar tamién la resiliencia en os territorios connectaus u dependients d’os servicios ecosistémicos.
Obchectivo especifico 2
Catalizar accions de demostración de resiliencia a lo cambio climatico en zonas de montanya en os 5 sistemas identificaus.
Obchectivo especifico 3
Reforzar l’aplicación d’as politicas europeas, las politicas climaticas estatals d’Espanya, Francia y Andorra y las estratechias climaticas rechionals en os Pireneus a traviés d’a cooperación territorial.
Grupos de treballo y obchectivos operativos
Lo prochecto LIFE-SIP PYRENEES4CLIMA ye organizau en 12 grupos de treballo, aliniaus con os 5 sistemas identificaus en a EPiCC.
Dende un punto de vista mas operativo, y pa la consecución de cadagún d’os obchectivos estratechicos, lo prochecto veilará per la consecución d’una serie d’obchectivos operativos vinculaus a los grupos de treballo clau.
Entidaz socias
Lo prochecto LIFE-SIP PYRENEES4CLIMA conta con 40 entidaz socias beneficiarias, 6 entidaz afiliadas y 8 entidaz asociadas.