LIFE AT-CC PIRINEUS
O proyeuto LIFE Asistenzia Teunica “Ta un aria de montaña transnazional y resilién” tiene como obchetivo prenzipal parar a candidatura ta la obtenzión d’un proyeuto LIFE integrau de Cambeo Climatico en os Pirineus. Treballa en o desembolique de tres aizions prenzipals:
- Desembolique d’un prozeso partizipativo ta completar y validar a Estratechia Pirenenca d’o Cambeo Climatico (EPiCC)
- Desembolique d’un prozeso de deliberazión y definizión d’un Plan Operativo que permita a implementazión d’a Estratechia Pirenenca d’o Cambeo Climatico (EPiCC).
- Preparazión d’una candidatura ta un proyeuto LIFE integrau que permita l’aplicazión d’a Estratechia Pirenenca d’o Cambeo Climatico por meyo d’o Plan Operativo.
Iste proyeuto conta con un presupuesto de cuasi 158.000 euros cofinanziaus por o programa LIFE y tiene una durazión de 21 meses, dende febrero de 2021 y dica octubre de 2022. L’unico sozio benefiziario ye o Consorzio d’a Comunidat de Treballo d’os Pirineus, a traviés d’o suyo Observatorio Pirenenco d’o Cambeo Climatico.
A Estratechia Pirenenca d’o Cambeo Climatico tendrá sinergias y será coerén con a Estratechia Pirenenca.
O proyeuto LIFE AT-CC Pirineus ha rezibiu finanziamiento d’o programa LIFE d’a Unión Europea.
Atros proyeutos
Montclima
L’obchetivo d’o proyeuto MONTCLIMA ye disposar d’as millors ferramientas y replicar as millors prauticas en materia de luita contra o cambeo climatico en os territorios d’o SUDOE (Programa de Cooperazión Interreg V-B Europa Surozidental).
Phusicos
PHUSICOS: “According to Nature”; ye un proyeuto que tiene por obchetivo contrimostrar que as soluzions basadas y inspiradas en a naturaleza ta reduzir os risgos asoziaus a os fenomenos meteorolochicos estrimos, espezialmén en arias vulnerables como zonas montañosas rurals, son teunicamén viables, rentables y aplicables a libel rechional.
Midmacc
LIFE MIDMACC ye un proyeuto que tiene por obchetivo prenzipal promover l’adaptazión a lo cambeo climatico a traviés d’a implementazión y preba de diferens alternativas de chestión d’o paisache en arias rurals de meya montaña, promovendo a lo mesmo tiempo y desembolique sozioeconomico sostenible.