OPCC2
A Comunidat de Treballo d’os Pirineus (CTP) lidera o proyeuto OPCC2, que busca limitar os efeutos d’o cambeo climatico y adaptar a zona pirenenca a las suyas consecuenzias. As autividaz d’o proyeuto las coordina l’Observatorio Pirenenco de Cambeo Climatico (OPCC), una iniziativa d’a CTP naxida en 2010 ta afrontar os desafíos d’o cambeo climatico.
A misión de l’OPCC ye estar a plataforma de referenzia sobre cambeo climatico y adaptazión en a Cordelera Pirenenca, a traviés d’una politica de cooperazión, transparenzia y intercambeo d’informazión. O proyeuto OPCC2 ha estau creau ta empentar a estratechia y o plan d’aizión de l’Observatorio Pirenenco de Cambeo Climatico.
L’OPCC-2 finalizó rematando 2019 y, dimpués de tres años de desembolique, adubió a difundir datos zientificos sobre a vulnerabilidat d’os ecosistemas debán d’o cambeo climatico. Se zentró en aspeutos meyoambientals como o clima, ziclo hidrico, selvas y os ecosistemas sensibles y de manera transversal os sectors sozioeconomicos. Amás d’a CTP, forman parte d’iste proyeuto: a Universidad de Zaragoza (UNIZAR), a Estación Experimental de Aula Dei – Agencia Estatal Consejo Superior de Investigaciones Cientificas (EEAD-CSIC), Bureau de Recherches Géologiques et Minières (BRGM), FORESPIR, Conservatoire botanique pyrénéen agréé Conservatoire botanique national des Pyrénées et de Midi-Pyrénées (CBNPMP) e Instituto Pirenaico de Ecología – Agencia Estatal Consejo Superior de Investigaciones Cientificas (EEAD-CSIC).
L’Observatorio Pirenenco de Cambeo Climatico coordina amás zinco proyeutos asoziaus, CLIM’PY, Replim, FLORAPYR, CANOPEE y PIRAGUA, que tamién han estau programaus por o POCTEFA 2014-2020.
Atros proyeutos
Montclima
L’obchetivo d’o proyeuto MONTCLIMA ye disposar d’as millors ferramientas y replicar as millors prauticas en materia de luita contra o cambeo climatico en os territorios d’o SUDOE (Programa de Cooperazión Interreg V-B Europa Surozidental).
Phusicos
PHUSICOS: “According to Nature”; ye un proyeuto que tiene por obchetivo contrimostrar que as soluzions basadas y inspiradas en a naturaleza ta reduzir os risgos asoziaus a os fenomenos meteorolochicos estrimos, espezialmén en arias vulnerables como zonas montañosas rurals, son teunicamén viables, rentables y aplicables a libel rechional.
Midmacc
LIFE MIDMACC ye un proyeuto que tiene por obchetivo prenzipal promover l’adaptazión a lo cambeo climatico a traviés d’a implementazión y preba de diferens alternativas de chestión d’o paisache en arias rurals de meya montaña, promovendo a lo mesmo tiempo y desembolique sozioeconomico sostenible.