PHUSICOS
PHUSICOS: “According to Nature”; ye un proyeuto que tiene por obchetivo contrimostrar que as soluzions basadas y inspiradas en a naturaleza ta reduzir os risgos asoziaus a os fenomenos meteorolochicos estrimos, espezialmén en arias vulnerables como zonas montañosas rurals, son teunicamén viables, rentables y aplicables a libel rechional.
A Comunidat de Treballo d’os Pirineus (CTP) tiene como misión endrezar-se a las comunidaz locals d’as zonas montañosas d’os Pirineus ta entablar un dialogo con as comunidaz locals más vulnerables con l’obchetivo de planificar de forma conchunta estratechias, plans de finanziamiento, sistemas de monitorizazión, politicas y servizios relazionaus con as soluzions basadas en a naturaleza.
Amás d’a CTP, forman parte d’iste proyeuto: l’Instituto Cheoteunico Noruego (NGI) (chefe de ran), a Universidat de Nápoles Federico II (UNINA), o Servizio Cheolochico Franzés (BRGM), a Universidat de Viena (UNIVIE), a Universidat de Salzburgo (PLUS), Risques et Développement (RD) en Franzia, o Zentro de CheoTeunolochías d’a Universidat de Siena (UNISI), a Universidat de Chinebra (UNIGE), l’Instituto Internazional d’Analisi de Sistemas Aplicaus (IIASA), a Catedra de Planificazión y Chestión Estratechica d’o Paisache en a Universidat Teunica de Munich (TUM), CREAF, Agencenter, l’Autoridat d’o Condau d’Oppland y l’Autoridat d’a Cuenca d’o Serchio.
Número 776681
Atros proyeutos
OPCC2
A Comunidat de Treballo d’os Pirineus (CTP) lidera o proyeuto OPCC2, que busca limitar os efeutos d’o cambeo climatico y adaptar a zona pirenenca a las suyas consecuenzias. As autividaz d’o proyeuto las coordina l’Observatorio Pirenenco de Cambeo Climatico (OPCC), una iniziativa d’a CTP naxida en 2010 ta afrontar os desafíos d’o cambeo climatico.
Montclima
L’obchetivo d’o proyeuto MONTCLIMA ye disposar d’as millors ferramientas y replicar as millors prauticas en materia de luita contra o cambeo climatico en os territorios d’o SUDOE (Programa de Cooperazión Interreg V-B Europa Surozidental).
Midmacc
LIFE MIDMACC ye un proyeuto que tiene por obchetivo prenzipal promover l’adaptazión a lo cambeo climatico a traviés d’a implementazión y preba de diferens alternativas de chestión d’o paisache en arias rurals de meya montaña, promovendo a lo mesmo tiempo y desembolique sozioeconomico sostenible.