COMUNAUTAT DE TRABALH DELS PIRENÈUS
ISTÒRIA
2018
L’Estrategia pirenenca
S’aprobèt l’Estrategia pirenenca, un plan d’accion pel desvolopament dels Pirenèus fins a 2024.
1980
Convencion quadre europèa sus la cooperacion transfrontalièra entre entitats territorialas.
1983
Nasquèt la Comunautat de Trabalh dels Pirenèus (CTP)
Lo 15 d’abril de 1983 foguèt signat lo Protocòl d’Acòrdi Constitutiu de la CTP a Bordèu. La CTP se constituïguèt amb lo sosten del Conselh d’Euròpa qu’aspirava a dotar la zòna pirenenca d’una estructura de cooperacion transfrontalièra semblabla a las que ja existissián sus d’autras frontièras europèas. La CTP es formada per las regions francesas de Nòva Aquitània e Occitània; las Comunautats Autonòmas espanhòlas de Catalonha, Aragon, Navarra e Bascoat, emai lo Principat d’Andòrra. Mai d’informacions suls territòris que fan partida de la CTP: Anar a territòris.
1987
Sèti oficial
Dempuèi lo 29 d’abril de 1987, lo sèti oficial de la CTP es la « Tor del relòtge », edifici gotic situat dins la plaça del Marqués de La Cadena, dins lo centre de Jaca (Aragon). Es totjorn sèti istoric de la CTP.
Pirineo Aragonés
Inauguración torre del reloj sede de la CTP
http://www.patrimonioculturaldearagon.es/bienes-culturales/torre-del-reloj-jaca
1995
Tractat de Baiona
Afortiguèt la cooperacion transfrontalièra tot en la dotant d’un quadre legal apropriat.
2005
Creacion del Consòrci de la CTP
En se convertissent en Consòrci, entitat juridica subjècta al drech public espanhòl, la CTP recebèt un nòu vam d’intervencion, mai que mai dins lo quadre de la gestion de fonds e de programas europèus.
2007
La CTP foguèt nomenada Autoritat de Gestion del POCTEFA 2007-2013
La CTP foguèt la primièra entitat transfrontalièra que se convertiguèt en Autoritat de Gestion d’un programa europèu de Cooperacion Territoriala Europèa. Es tanben Autoritat de Gestion del programa Interreg V-A Espanha-França-Andòrra (POCTEFA 2014-2020)
2010
L’Observatòri Pirenenc del Cambiament Climatic (OPCC)
Nasquèt un dels projèctes emblematics de la CTP, l’Observatòri Pirenenc del Cambiament Climatic (OPCC). En mai d’aquò, en 2010, Andòrra s’intreguèt al Tractat de Baiona.
2017
Signatura de l’incorporacion de la CTP a l’Administracion de la Comunautat Autonòma d’Aragon
Lo 9 de mai de 2017 es signada l’ncorporacion de la CTP a l’Administracion de la Comunautat Autonòma d’Aragon.
2018
L’Estrategia Pirenenca
S’aprobèt l’Estrategia pirenenca, un plan d’accion pel desvolopament dels Pirenèus fins a 2024.
Mai d’informacions suls estatuts de la CTP.:
Convenio interadministrativo de la cooperación transfronteriza entre las entidades miembros de la CTP:
TERRITÒRIS
Nouvelle-Aquitaine
Occitanie / Pyrénées-Méditerranée
Catalunya
Andorra
Navarra
Euskadi
Aragón
Fan partida de la CTP:
las regions francesas de Nòva Aquitània e Occitània;
las Comunautats Autonòmas espanhòlas de Catalonha, Aragon, Navarra e Bascoat
lo Principat d’Andòrra.
Lo territòri de la CTP se caracteriza per una frontièra qu’es essencialament montanhosa amb lo massís pirenenc coma barrièra fisica que va de la còsta atlantica fins a la mediterranèa.
Populacion totala: 23.492.434 abitants
Susfàcia: 254.776 km2
Quilomètres de frontièra: 656 km
Quilomètres de còsta: 2.062 km
Lengas parladas dins lo territòri: castelhan, francés, catalan, basco, occitan, aragonés e peitavin-santongés.
Mission e organizacion
Mission
La tòca de la CTP es de contribuir al desvolopament dels Pirenèus, en prenent en compte sas escomesas e en jogant sus sas fòrças. Fa mai de tres decennias que la CTP ensaja de favorisar los escambis entre los territòris e los actors del massís pirenenc, de trobar ensems de solucions a lors problèmas comuns e organizar d’accions transfrontalièras.
Sas tòcas:
- Favorisar los escambis entre los territòris e los actors del massís pirenenc,
- Tractar ensems las problematicas qu’afectan lo massís,
- Cercar de solucions comunas a las escomesas identificadas,
- Organizar accions partejadas e estructuralas de portada transnacionala.
La CTP trabalha mai que mai amb doas aisinas:
- Programa Interreg V-A Espanha-França-Andòrra (POCTEFA 2014-2020) (www.poctefa.eu), que n’es l’autoritat de gestion coma o èra pel programa del periòde d’abans (POCTEFA 2007-2013) e pretend contunhar tanben pel venent (POCTEFA 2021-2027).
- Estrategia pirenenca. Dempuèi 2016, la CTP contunha son trabalh dins l’Estrategia pirenenca que foguèt signada en novembre de 2018. Es lo plan d’accion del territòri fins a 2024 qu’a aquesta estrategia apertenon de projèctes emblematics de la CTP coma l’OPCC e las Urgéncias medicalas « Quand las urgéncias medicalas escafan las frontièras »
Sas accions
Pr’amor de l’especificitat de sa situacion geografica e politica, un territòri bastit a l’entorn del Massís dels Pirinèus, entre doas mars (Atlantica e Mediterranèa) e a caval entre tres Estats, la CTP dèu contemplar diferentas legislacions e trabalhar amb mantunas entitats (Estats, Entitats localas francesas e Comunautats Autonòmas espanhòlas).
Dins aqueste contèxte, la CTP a per tòca d’èsser un espaci d’escambi e d’ideas, emai d’èsser fòrça de proposicions que cèrquen:
- melhorar la qualitat de vida de sos abitants tot en intensificant l’ofèrta de transpòrt;
- afortir l’integracion transfrontalièra,
- desvolopar de sinergias en matèria economica per las entrepresas e la joinessa qu’es en cors de formacion,
- generar una zòna d’escambi dins lo sud d’Euròpa,
- encoratjar l’innovacion, la recèrca e la cooperacion entre universitats,
- afortir las coneissenças de sos territòris, mai que mai son patrimòni cultural, natural e desvolopar un torisme sostenible.
ORGANIZACION DE LA CTP
LA PRESIDÉNCIA
La presidéncia a per tòca de promòure, en collaboracion estrecha amb los territòris qu’integran la CTP, l’organizacion de projèctes estructurals que cèrquen favorisar lo desvolopament economic e social de l’espaci pirenenc e de las zònas que fan partida del territòri de la Comunautat de Trabalh dels Pirenèus. Lo(la) president(a) de la CTP convòca e presidís lo Conselh plenièr que s’amassa un còp per an.
Dempuèi 1983, la CTP trabalha per melhorar la vida dels abitants del territòri de la CTP pel mejan dels projèctes sostenguts.
L’òrdre de rotacion es:
- Nòva Aquitània
- Aragon
- Catalonha
- Bascoat
- Occitània
- Navarra
- Andòrra
LAS PRESIDÉNCIAS DE LA CTP
1983 – 1985
Aquitaine
1985 – 1987
Aragón
1987 – 1989
Catalunya
1989 – 1991
Euskadi
1991 – 1993
Languedoc-Rousillon
1993 – 1995
Midi – Pyrénées
1995 – 1997
Navarra
1997 – 1999
Andorra
1999 – 2001
Aquitaine
2001 – 2003
Aragón
2003 – 2005
Catalunya
2005 – 2007
Euskadi
2007 – 2009
Languedoc-Rousillon
2009 – 2011
Midi – Pyrénées
2011 – 2013
Navarra
2013 – 2015
Andorra
2015 – 2017
Nouvelle – Aquitaine
2017 – 2019
Aragón
2019 – 2021
Catalunya
LO SECRETARIAT GENERAL
Depen de la Presidéncia e son trabalh es d’organizar las acampadas del Comitat executiu e la seguida de las accions entrepresas per la CTP e de sa situacion financièra. Es formada per un(a) Secretari(ària) general(a), nomenat(da) pel(per la) president(a) en exercici, aprèp l’aprobacion del rèste dels integrants de la CTP.
LO COMITAT EXECUTIU
Es l’organ de decision de la CTP e es format per un(a) representant(a) titulari(ària) e un(a) suplent(a) de cada territòri.
Còordina e se carga d’implantar lo programa d’accions de la presidéncia.
PRESIDÉNCIA ACTUALA
Pel periòde compres entre 2019 e 2021, Catalunya ocupa la presidéncia de la CTP.
President de la CTP: Molt honorable Senyor Quim Torra i Pla, President de la Generalitat de Catalunya.
Secretari General: Rosa Amorós i Capdevila
Dirección: Palau de la Generalitat de Catalunya, Plaça de Sant Jaume, 4 Barcelona
Còdig postal: 08002
Vila: Barcelona
País: Espanha
Telefòn: +34 934 02 46 00
Corrièl: secretaria.general@ctp.org
Pagina web de la Presidéncia: http://exteriors.gencat.cat/oc/ambits-dactuacio/afers_exteriors/xarxes-cooperacio-territorial/comunitat-treball-pirineus/index.html
Messatge deth President:
“L’eliminacion der efècte frontèra a devengut ua des politiques d’integracion europèa, que contribuís a hèr era vida mès facila ara ciutadania”.
En un mon cambiant e accelerat, a on era incertitud e era liquiditat, per didé’c ara manèra de Zygmunt Bauman, dominen es activitats umanes, era cooperacion entre persones e entre institucions non sonque ei un besonh, senon qu’a devengut ineludible.
Quauqui problèmes non an frontères, coma eth cambi climatic. E quauques frontères creen problèmes, coma pòt èster ena atencion sanitària. Per aquerò era eliminacion der efècte frontèra a devengut ua des politiques d’integracion europèa, que contribuís a hèr era vida mès facila ara ciutadania.
Era cooperacion transfronterèra ei ua des prioritats dera lei catalana d’accion exteriora e de relacions damb era Union Europèa, atau coma des instruments de planificacion dera accion exteriora deth Govèrn de Catalonha.
Era Generalitat de Catalonha se comprometec ben lèu, des deth sòn restabliment en an 1977, damb era cooperacion transfronterèra. Es persones qu’alavetz i auie ath capdauant responeren damb entosiasme ara crida deth Conselh d’Euròpa, qu’en 1983 cristallizèc ena creacion dera Comunautat de Trebalh des Pirenèus.
Des de hè 36 ans, cada dus se succedís era presidéncia rotatòria. Per tresau viatge requè ena Generalitat de Catalonha, que l’assumís laguens dera normalitat e responsabilitat institucionau damb qué toti es membres dera CTP ac an hèt ininterrompudament, tanben en un contèxte institucionau e politic en evolucion.
Eth balanç deth trebalh realizat pera CTP s’aubire coma rotundament positiu. Era Generalitat de Catalonha se compromet damb es ambicions e projèctes qu’a per dauant era CTP, qu’impulsarà damb determinacion, consens e transparéncia pendent era presidéncia 2019-2021.
En aguest sentit, era presidéncia catalana a era volentat de refortilhar era CTP dauant des institucions comunitàries e, sustot, d’optimizar er usatge d’aguest instrument ath servici dera ciutadania des territòris membres.
Plan Aunorable Sr. Quim Torra i Pla
President dera Generalitat de Catalonha
President dera Comunautat de Trebalh des Pirenèus
Autoritat de gestion del POCTEFA
Dempuèi 2007, la CTP es Autoritat de Gestion del programa Interreg V-A Espanha-França-Andòrra (POCTEFA 2007-2013) La CTP tanben es Autoritat de Gestion del programa Interreg V-A Espanha-França-Andòrra (POCTEFA 2014-2020)
Lo programa POCTEFA 2014-2020 a per tòca de promòure e confinançar de projèctes de cooperacion realizats pels agents socioeconomics de la França, Espanha e Andòrra situats dins la zòna transfrontalièra eligibla. Lo programa còmpta sus una donacion de l’Union Europèa pel mejan del FEDER de 189 milions d’euros (178 milions sens l’Assisténcia tecnica) e s’organiza sus cinc aisses. Mai d’informacion sul site web del programa POCTEFA.
Del temps del programa POCTEFA 2007-2013, se programèron 152 projèctes entrepreses gràcias al FEDER disponible: 168 milions d’euros que foguèron investit dins aquesta aisina europèa de cooperacion. Aqueste programa arrivèt a 99% de nivèl d’execucion FEDER, çò que significa que gestion dels fonds europèus per part de programa es eficient e exemplari.
Consulta prealabla sul programa de cooperacion transfronterera Interreg VI-A Espanha-França-Andòrra (POCTEFA 2021-2027)
Creat per promòure lo desvolopament sostenible dels territòris termierèrs, lo programa europèu de cooperacion transfronterera Interreg VI-A Espanha-França-Andòrra (POCTEFA 2021-2027) serà lo sisè de la siá generacion en aquel territòri.
Lo Consòrci de la Comunitat de Trabalh dels Pirenèus (CTP), autoritat de gestion del Interreg V-A Espanha-França-Andòrra (POCTEFA 2014-2020), a sol•licitat la siá gestion.
Lo programa Interreg VI-A Espanha-França-Andòrra (POCTEFA 2021-2027) se tròba en fasa d’elaboracion amb vistas a la presentacion per la siá aprobacion de la part de la Comission Europèa al cors de 2021, un còp que lo marc financièr e reglamentari de la politica de coesion de l’Union Europèa 2021-2027 siá estat aprovat pel Conselh e lo Parlament Europèu.
Lo resumit de la version provisòria d’aquel programa pòt se consultar a travèrs del seguent ligam de descarga: en castellá e en francés.
La consulta publica es dobèrta fins al 04/03/2021. Li convidam a presentar los sieus comentaris per corrièr electronic a contact@ctp.org .
Se publicarà tanben una consulta publica en lo segond semèstre de 2021 sul document consolidat.
Conselh plenièr
Lo Conselh plenièr es l’amassada annala dels presidents dels territòria de la CTP. Dins lo Conselh plenièr son acordadas las orientacions estrategicas e politicas del Consòrci de la CTP basadas sus las proposicions realizadas pel Comitat executiu. Aquestas orientacions son recampadas cada an dins un document sonat « Declaracion comuna dels presidents » que se signa pendent lo Conselh plenièr.
A novembre de 2019 se celebrèt lo XXXVII plenari de la CTP que lo president del Govèrn d’Aragon passèt lo testimòni de la presidéncia del Consòrci a la Generalitat de Catalonha. Pòt aicí consultar la Declaracion comuna de presidents signats en novembre de 2019.
QUESTIONS FREQUENTAS
Lo consòrci de la Comunautat de Trabalh dels Pirenèus (CTP) es un organisme interregional de cooperacion transfrontalièra creat pel Conselh d’Euròpa en 1983.
La tòca de la CTP es de contribuir al desvolopament dels Pirenèus, en prenent en compte sas escomesas e en jogant sus sas fòrças. Fa mai de tres decennias que la CTP ensaja de favorisar los escambis entre los territòris e los actors del massís pirenenc, de trobar ensems de solucions a lors problèmas comuns e organizar d’accions transfrontalièras.
Ne fan partida:
- Doas regions francesas: Nòva Aquitània e Occitània / Pirenèus-Mediterranèa
- Quatre comunautats autonòmas espanhòlas: Aragon, Catalonha, Bascoat e Navarra.
- Lo Principat d’Andòrra.
La CTP trabalha per melhorar la qualitat de vida de las personas que vivon dins la region pirenenca. Gràcias a la cooperacion transfrontalièra a de diferents nivèls, la CTP afronta d’unes dels problèmas mai urgents del territòri, en cercant de solucions comunas e en organizant d’accions.
Podètz consultar mai d’informacions suls projèctes promoguts per la CTP e, sul programa POCTEFA, dirigit per la CTP.
Nos podètz contactar a contact@ctp.org, en telefonant a +34 974 36 31 00 o per corrièr, a l’adreça: Avenida Nuestra Señora de la Victoria, 8 (Jaca).
Se avètz una idea de projècte de cooperacion transfrontalièra que desiratz presentar a la CTP, nos podètz contactar a contact@ctp.org o en telefonant a +34 974 36 31 00.
Podèm pas garantir que vòstre projècte serà sostengut, mas escotarem vòstra proposicion e vos respondrem.
Dispausam d’una seccion ont publicam totas los pòstes liures del Consòrci de la CTP. La podètz consultar aicí. Recomandam que vos inscrigatz a nòstra letra d’informacion per seguir totas las actualitats nòstras, compresas las oportunitats d’emplec.
Lo sèti istoric de la CTP ocupa la Tor del relòtge de Jaca (Òsca), inaugurada en 1987.
Lo sèti administratiu de la CTP se localiza dins l’edifici de l’Institut Pirenenc d’Ecologia (IPE), al numero 8 de l’Avenida Nuestra Señora de la Victoria de Jaca (Òsca).
