Pirinioetako Lan Elkarteak (PLE) mahai gainean jarri ditu Pirinioetako biztanleek urtarrilaren 19an Bartzelonan egingo den Frantziaren eta Espainiaren arteko goi-bilera dela-eta egunero bizi dituzten arazoak eta mugak.

Ildo horretan, PLEk uste du goi-bilera horrek aukera ezin hobea ematen duela iazko azaroaren 30ean Arantzazun (Gipuzkoa) egindako 40. Osoko Bilkuran lortutako erabaki nagusiak aintzat hartzeko.  Ekitaldi horretan, PLE osatzen duten zazpi lurraldeetako (Euskadi, Nafarroa, Aragoi, Katalunia, Akitania Berria, Okzitania eta Andorra) ordezkariek presidenteen Adierazpena onartu zuten. Adierazpen horretan honako akordio hauek jasotzen dira, besteak beste:

  • Frantziako agintariek 2021eko urtarriletik blokeatuta dituzten mugako pasabideak ireki beharra. Aldarrikapen horren aldekoak dira, zeharo, mugaz haraindiko guneko eragileak, inplikatuta baitaude eta ondo baitakite beharrezkoa dela mugaz haraindiko herritartasun erabat integratu baten eraketan sakontzen jarraitzea.
  • Mugaz Gaindiko Lankidetzako Europako Mekanismoa (ECBM) zehaztu eta aplikatzeko premia saihestezina, Pirinioez gaindiko lurraldeak aurre egin beharreko lege- eta administrazio-oztopoak konpontzeko lagungarria izango den baliabide gisa. Nola Espainiako eta Frantziako estatuei hala Europako Batzordeari bide hori jarraitzeko eskatzen zaie, eta adostasuna lortzen saiatzeko.
  • Babestea, batetik, energia-horniduraren jatorriak dibertsifikatzen lagunduko duten Pirinioez gaindiko azpiegituren garapena, eta bestetik, energia-iturri berriztagarrien bidez (hidrogeno berdea eta biometanoa, esate baterako) deskarbonizazioa sustatzea. Gainera, Osoko Bilkurak eskualdeak eta autonomia-erkidegoak erabakiak hartzeko prozesuetan sar daitezela eskatzen du.
  • Pirinioez gaindiko lankidetza-protokolo bat bultzatzeko bere konpromisoa, hidrogeno berriztagarria sustatzeko, hidrogenoaren ekonomia hedatzeko mugaz gaindiko espazio bat sortze aldera, lurraldeen posizionamendua indartuta eta Estatuko eta Europako estrategietan ezarritako deskarbonizazio-helburuak lortzeko aukera emanda.

Adierazpen osoa –gai horiek guztiak agerian jartzen dituena– PLEren webgunean dago eskuragarri:

PLEko kideek uste dute Espainiako eta Frantziako gobernuen arteko bilera aukera bikaina dela gai horien inguruan bi estatuen arteko harremanak sendotzeko, eta adierazi dute prest daudela, bakoitzak bere eskumenetik, Pirinioetako lurraldeen lehentasunetan aurrera egiteko eztabaidan eta lankidetzan aritzen laguntzeko.

Prentsa-ohar hau PDF formatuan deskarga daiteke hemen.