![3 Donostia editada](https://ctp.org/wp-content/uploads/2019/08/3-Donostia-editada.jpg)
Euskadi
O País Basco (Euskadi) ye una Comunidat con singularidaz istoricas, culturals y economicas que conta con un libel alto d’autonomía politica y con un rechimen de finanziamiento y recauto particular a traviés d’o Conzierto Economico.
A poblazión basca, diversa y emprendedora, se carauteriza por o suyo caráuter marinero, agricola y industrial.
Amás de realizar firmes inversions en politicas de protezión sozial, o País Basco ye un referén en polos de competitividat, en organizar a suya industria arredol de clusters y un impulsor d’iniziativas en innovazión y investigazión.
A delera por minchar y beber bien s’aprezia en os mercaus, en as casas, restaurans y soziedaz gastronomicas con a suya tradizional cozina, basada en ingrediens de primera calidat, y una renovadora cozina d’autor de fama internazional.
D’as pinturas rupestres a las construzions más vanguardistas ufre un interesán y monimental patrimonio istorico-artistico. Enguán aculle importans eventos culturals como lo festival Internazional de zine donostiarra, a temporada d’opera en Bilbao u o jazz en Vitoria-Gasteiz y Getxo.
De conchunta con as suyas montañas y vals, un d’os grans atrautivos son os suyos 252 km de costa, an feriosas zinglas s’alternan con desembocaduras de ríos, marismas y plachas de fina arena. D’o suyo paisache diverso, destacan os espazios naturals protechius.
![971-la-chabola-de-la-hechicera-sorginaren-txabola_big-ctp](https://ctp.org/wp-content/uploads/2019/08/971-la-chabola-de-la-hechicera-sorginaren-txabola_big-ctp.jpg)
![Parque Natural de Gorbea Bosque de Otzarreta-ctp](https://ctp.org/wp-content/uploads/2019/08/Parque-Natural-de-Gorbea-Bosque-de-Otzarreta-ctp.jpg)
![CT_urdaibaicabecera-ctp](https://ctp.org/wp-content/uploads/2019/08/CT_urdaibaicabecera-ctp.jpg)
![Goierri-Aralar y Txindoki-ctp](https://ctp.org/wp-content/uploads/2019/08/Goierri-Aralar-y-Txindoki-ctp.jpg)
Un territorio ubierto a Europa
Tot y que a Comunidat Autonoma d’o País Basco conte con nomás 12 kilometros de muga, no i hai duda sobre a suya naturaleza de rechión fronteriza y ta Euskadi as relazions de buena vezindat y a cooperazión transfronteriza poseyen una importán traszendenzia.
A CTP ye un foro de trobada y un marco idonio de relazión de rechions con afinidaz y problematicas similars. A cooperazión entre os nuestros entes publicos territorials y achens privaus permite abordar intréses coinzidens y desarrollar proyeutos compartius con mayor eficazia, contribuyindo a que os nuestros territorios progresen y alcanzen un grau de desembolique economico mayor.
Dende a nozión d’un verdadero espazio de cooperazión territorial, aspiramos a meter en valor a CTP como instrumento de coesión y construzión d’Europa.
Datos
![Rioja alavesa-ctp](https://ctp.org/wp-content/uploads/2019/08/Rioja-alavesa-ctp.jpg)
Superfizie (en km) | 7.234,8 |
Poblazión | 2.164.311 |
Densidat de poblazión | 300,33 (hts/km2) |
Capital | Vitoria-Gasteiz |
Kms de frontera ES-FR-AND | 12 |
Kms de costa | 252 |
Provinzias / Départements | 3 (Álava/Araba, Bizkaia y Gipuzkoa) |
Idiomas | Español y Euskera |
![4 Parque Natural de Urkiola- el monte Anboto](https://ctp.org/wp-content/uploads/2019/07/4-Parque-Natural-de-Urkiola-el-monte-Anboto-1.jpg)
![5 Parque Natural de Aizkorri-Aratz-ctp](https://ctp.org/wp-content/uploads/2019/08/5-Parque-Natural-de-Aizkorri-Aratz-ctp.jpg)
![Reserva de la Biosfera de Urdaibai-ctp](https://ctp.org/wp-content/uploads/2019/08/Reserva-de-la-Biosfera-de-Urdaibai-ctp.jpg)
Contact
Nombre d’o presidén: Iñigo Urkullu Rentería
Calle Navarra 2, 01007 Vitoria-Gasteiz Araba
http://www.euskadi.eus/gobierno-vasco/inicio/
+34945018128
unioneuropea(@)euskadi.eus
![adaptada-Presidente Lehendakari foto_oficial](https://ctp.org/wp-content/uploads/2019/07/adaptada-Presidente-Lehendakari-foto_oficial-1.jpg)