Bascoat
Lo Bascoat es una Comunautat amb singularitats istoricas, culturalas e economicas que còmpta sus un naut nivèl d’autonomia politica e amb un regime de finançament e recèptas fiscalas particularas pel mejan del Concèrt Economic.
La populacion basca, divèrsa e entrepreneira, es caracterizada per sus traches marinièr, agricòla e industrial.
En mai de far de bèls investiments en politicas de proteccion sociala, lo Bascoat es una referència en matèria de pòles de competitivitat e d’organizacion industriala a l’entorn de clusters, emai d’èsser un motor d’iniciativas en innovacion e recèrca.
Lo bon gost alimentari es plan apreciat dins los mercats, fogals, restaurants e societats gastronomicas amb sa cosina, basada en ingredients de primièra qualitat e una cosina renovatritz d’autor de fama internacionala.
De las pinturas rupèstras a las construccions mai vanguardistas ofrís un interessant e monumental patrimòni istoric e artistic. A l’ora d’ara, aculhís d’importants eveniments culturals coma lo Festenal de cinema de Sant Sebastian, la sason d’opèra en Bilbau o lo jazz de Vitòria-Gasteiz e Getxo.
Amb sas montanhas e valadas, sos 252 km de còsta son un de sos grands atraches, ont los bauces escalabroses s’altèrnan amb embocadoras de flumes, paluns e plajas de sabla fina. Dins son paisatge divèrs, se destacan los espacis naturals protegits.
Un territòri obèrt a l’Euròpa
Tot ben que la Comunautat Autonòma del Bascoat còmpte sonque amb 13 quilomètres de frontièra, se dobta pas de sa natura de region frontalièra e, per èla, los rapòrts de bon vesinatge e la cooperacion transfrontalièra an una importància especiala.
La CTP es un luòc de rescontre e un quadre ideal de rapòrt entre regions amb afinitats e problematicas similaras. La cooperacion entre nòstres organismes territorials e agents privats permet d’abordar d’interèsses comuns e desvolopar de projèctes partejats amb mai d’eficàcia, tot en contribuissent al progrès de nòstres territòris cap a un nivèl de desvolopament economic mai important.
Amb un concèpte d’espaci de cooperacion territoriala vertadièr, volèm valorar la CTP coma aisina de coesion e construccion d’Euròpa.
Donadas
| Susfàcia (en km) | 7.234,8 |
| Populacion | 2.164.311 |
| Densitat de la populacion | 300,33 (hts/km²) |
| Capitala | Vitòria-Gasteiz |
| Kms de frontièra ES-FR-AND | 12 |
| Kms de còsta | 252 |
| Províncias / Departaments | 3 (Alaba, Biscaia e Guipuscoa) |
| Lengas | Castelhan e basco |
Contacte
Nom del president: Iñigo Urkullu Rentería
Calle Navarra 2, 01007 Vitoria-Gasteiz Araba
http://www.euskadi.eus/gobierno-vasco/inicio/
+34945018128
unioneuropea(@)euskadi.eus
