Urgéncias medicalas – UMS – B-Solutions

Lo Consòrci de la Comunautat de Trabalh dels Pirenèus (CTP) dirigiguèt lo projècte ja finalizat B-Solutions « Quand las urgéncias medicalas escafan las frontièras » (dins l’original en anglés, « When Emergency Medical Systems erase borders »). S’agís d’un projècte concebut per melhorar l’accès de la populacion a de servicis sanitaris d’urgéncia pel mejan de l’eliminacion dels empaches administratius, tot en melhorar l’eficiéncia e l’eficacitat dels diches servicis.

Sens una reconeissença academica sufisenta, lo personal de las urgéncias sanitàrias podián pas sonhar los pacients en defòra de son territòri d’origina. Precisament, lo projècte « Quand las urgéncias medicalas escafan las frontièras » òbra per que se pòsca trabalhar suls dos costats de la frontièra franco-espanhòla, en donant la prioritat als besonhs de la populacion dins una urgéncia e en trespassant las barrièras administrativas.

En agost de 2018, l’Associacion Europèa de Regions Frontalièras (AERF) – en collaboracion amb la Direccion Generala de Politica Regional e Urbana de la Comission Europèa –, aprobèt lo finançament del projècte pilòte « Quand las urgéncias medicalas escafan las frontièras », que se desvolopèt fins a octobre de 2019. Pel mejan de l’iniciativa B-Solutions, la Comission Europèa financèt aqueste projècte amb 20.000 €.

En mai de la CTP, que dirigís lo projècte, i participan tanben l’AECT Hospital de Cerdanya, l’Agéncia Regionala de la Santat Occitània, l’Agéncia Regionala de la Santat Nòva Aquitània, Emergentziak Osakidetza Euskadi, Servicio de Urgencias Extrahospitalarias de Navarra, Urgencias y Emergencias Sanitarias 061 Aragón e l’Associacion Medicala Transpirenenca.

Dins quin domeni lo projècte trabalhèt?

Objectius

Lo projècte a per tòca màger de trobar d’acòrdis de collaboracion entre l’Estat francés, las Comunautats Autonòmas espanhòlas e lo Principat d’Andòrra per signar una convencion que faga evitar los empaches administratius actuals e permeta l’intervencion sanitaria d’urgéncia transfrontalièra.

Contacte del projècte d’Urgéncias medicalas: contact@ctp.org

Mai d’informacions sus l’iniciativa B-Solutions

Descargatz lo desplegant « Enhancing Healthcare cooperation » (EN)