COMUNAUTAT DE TRABALH DELS PIRENÈUS
TERRITÒRIS
Fan partida de la CTP:
las regions francesas de Nòva Aquitània e Occitània;
las Comunautats Autonòmas espanhòlas de Catalonha, Aragon, Navarra e Bascoat
lo Principat d’Andòrra.
Lo territòri de la CTP se caracteriza per una frontièra qu’es essencialament montanhosa amb lo massís pirenenc coma barrièra fisica que va de la còsta atlantica fins a la mediterranèa.
Populacion totala: 23.492.434 abitants
Susfàcia: 254.776 km2
Quilomètres de frontièra: 656 km
Quilomètres de còsta: 2.062 km
Lengas parladas dins lo territòri: castelhan, francés, catalan, basco, occitan, aragonés e peitavin-santongés.
Mission e organizacion
Mission
La tòca de la CTP es de contribuir al desvolopament dels Pirenèus, en prenent en compte sas escomesas e en jogant sus sas fòrças. Fa mai de tres decennias que la CTP ensaja de favorisar los escambis entre los territòris e los actors del massís pirenenc, de trobar ensems de solucions a lors problèmas comuns e organizar d’accions transfrontalièras.
Sas tòcas:
- Favorisar los escambis entre los territòris e los actors del massís pirenenc,
- Tractar ensems las problematicas qu’afectan lo massís,
- Cercar de solucions comunas a las escomesas identificadas,
- Organizar accions partejadas e estructuralas de portada transnacionala.
La CTP trabalha mai que mai amb doas aisinas:
- Programa Interreg VI-A Espanha-França-Andòrra (POCTEFA 2021-2027) (www.poctefa.eu), que n’es l’autoritat de gestion coma ac ei des Programes des dus periòdes anteriors (POCTEFA 2014-2020 e POCTEFA 2007-2013).
- Estrategia pirenenca. Dempuèi 2016, la CTP contunha son trabalh dins l’Estrategia pirenenca que foguèt signada en novembre de 2018. Es lo plan d’accion del territòri fins a 2024 qu’a aquesta estrategia apertenon de projèctes emblematics de la CTP coma l’OPCC e las Urgéncias medicalas « Quand las urgéncias medicalas escafan las frontièras »
Sas accions
Pr’amor de l’especificitat de sa situacion geografica e politica, un territòri bastit a l’entorn del Massís dels Pirinèus, entre doas mars (Atlantica e Mediterranèa) e a caval entre tres Estats, la CTP dèu contemplar diferentas legislacions e trabalhar amb mantunas entitats (Estats, Entitats localas francesas e Comunautats Autonòmas espanhòlas).
Dins aqueste contèxte, la CTP a per tòca d’èsser un espaci d’escambi e d’ideas, emai d’èsser fòrça de proposicions que cèrquen:
- melhorar la qualitat de vida de sos abitants tot en intensificant l’ofèrta de transpòrt;
- afortir l’integracion transfrontalièra,
- desvolopar de sinergias en matèria economica per las entrepresas e la joinessa qu’es en cors de formacion,
- generar una zòna d’escambi dins lo sud d’Euròpa,
- encoratjar l’innovacion, la recèrca e la cooperacion entre universitats,
- afortir las coneissenças de sos territòris, mai que mai son patrimòni cultural, natural e desvolopar un torisme sostenible.
ORGANIZACION DE LA CTP
LA PRESIDÉNCIA
La presidéncia a per tòca de promòure, en collaboracion estrecha amb los territòris qu’integran la CTP, l’organizacion de projèctes estructurals que cèrquen favorisar lo desvolopament economic e social de l’espaci pirenenc e de las zònas que fan partida del territòri de la Comunautat de Trabalh dels Pirenèus. Lo(la) president(a) de la CTP convòca e presidís lo Conselh plenièr que s’amassa un còp per an.
Dempuèi 1983, la CTP trabalha per melhorar la vida dels abitants del territòri de la CTP pel mejan dels projèctes sostenguts.
L’òrdre de rotacion es:
- Nòva Aquitània
- Aragon
- Catalonha
- Bascoat
- Occitània
- Navarra
- Andòrra
LAS PRESIDÉNCIAS DE LA CTP
LO SECRETARIAT GENERAL
Depen de la Presidéncia e son trabalh es d’organizar las acampadas del Comitat executiu e la seguida de las accions entrepresas per la CTP e de sa situacion financièra. Es formada per un(a) Secretari(ària) general(a), nomenat(da) pel(per la) president(a) en exercici, aprèp l’aprobacion del rèste dels integrants de la CTP.
LO COMITAT EXECUTIU
Es l’organ de decision de la CTP e es format per un(a) representant(a) titulari(ària) e un(a) suplent(a) de cada territòri.
Còordina e se carga d’implantar lo programa d’accions de la presidéncia.
PRESIDÉNCIA ACTUALA
Pel periòde compres entre 2023 e 2025, la Region d’Occitània assumís la presidéncia de la CTP.
Presidenta de la CTP: Carole Delga, Presidenta de la Region d’Occitània.
Secretari General: Yann Hélary, conselhièr regional.
Dirección: Hôtel de Région Toulouse
22, boulevard du maréchal Juin
31406 Toulouse Cedex 9
Còdig postal: 31406
Vila: Toulouse
Telefòn: +33(0)5 61 39 67 21
Corrièl: secretaria.general@ctp.org
Pagina web de la Presidéncia: www.laregion.fr
Messatge de la Presidenta:
“Los nòstres Pirenèus, un territòri per preservar e partejar”.
La Region d’Occitània a l’aunor d’assumir la Presidéncia de la Comunitat de Trabalh dels Pirenèus 2023-2025.
Coma Presidéncia, volèm destinar los nòstres esfòrces a cooperar amb los govèrns regionals membres, mas tanben amb los actors del territòri, los usatgièrs dels projèctes e los ciutadans.
Avèm de besonh de totas las fòrças vivas per despassar las escomesas comunas dins los territòris del massís pirenenc.
Pendent de sègles, los Pirenèus son estats considerats una frontièra geografica. Dempuèi los ans 40, la CTP trabalha per despassar las barrièras per mejan de la cooperacion. Uèi lo jorn, aquesta cooperacion es mai de besonh –quitament indispensabla– que jamai.
Per s’acarar al cambiament climatic, solament una responsa conjoncha poirà aver l’impacte sufisent per amendrir los efièches, mai que mai dins los Pirenèus, a on las consequéncias del cambiament climatic son encara mai importantas qu’en lo rèste d’Euròpa. Per aquò, aicí las mesuras auràn d’èsser mai coordinadas qu’en cap autre luòc.
Amb lo projècte Pirèneus4Clima, que son budgèt s’elèva a gaireben 20 milions d’èuros e entraïna 46 collaboradors, de franceses, andorrans e espanhòls, la CTP se compromet de manièra decidida a començar l’estrategia pirenenca sul cambiament climatic (EPiCC), primièra estrategia europèa especificament creada per una biorregion de montanha e transfrontalièra.
Los Pirenèus son un territòri natural d’una riquesa excepcionala e un patrimòni inestimable. Partejam los pargues nacionals e regionals, e tenben una diversitat unica, mas nos unís tanben la cultura e avèm en comun l’union a las nòstras respectivas lengas.
Nos cal cercar de solucions tanben fàcia al despoblament dels nòstres territòris (e, mai que mai, contra la desertificacion medicala), redinamizar l’economia, ajudar la joinessa a s’installar aicí e l’enclure mai en las nòstras politicas.
Nos caldrà contunhar de trabalhar amassa per manténer un saber far, mas tanben per contunhar de cercar de solucions innovadoiras que permetan se confrontar als cambiaments socials e environamentals.
Dins aqueste contèxte, las prioritats de la Presidéncia occitana de la CTP son:
- Prioritat 1: respondre a l’urgéncia climatica en utilizant lo projècte PYRENEES4CLIMA «De cap a una comunitat de montanha transfrontalièra resistenta al clima dins los Pirenèus».
- Prioritat 2: enclure la joinessa en l’elaboracion de totas las politicas de la CTP e, de manièra mai concrèta, en son fuèlh de rota.
- Prioritat 3: trabalhar amb los territòris en las solucions contra la desertificacion medicala e en tot contunhar de far de la santat una escomesa màger pels Pirenèus.
- Prioritat 4: menar las valors al centre de las nòstras politicas en favor de la ciutadanetat, coma la dubertura e la solidaritat, la cultura e l’identitat pirenenca, lo patrimòni inmaterial comun e las lengas regionalas.
- Prioritat 5: nos comunicar amb la ciutadanetat e permetre una melhora difusion dels resultats dels projèctes territorials transfrontalièrs.
- Prioritat 6: trabalhar activament amb lo conjonch d’agents europèus, nacionals e locals pel desvolopament dels usatgièrs e usatgièras de l’idrogèn e de las infrastructuras inerentas a travèrs d’una mesa en comun de coneissenças, un trabalh de lobbying e de pròvas.
- Prioritat 7: far de la CTP un actor màger de la politica europèa e internacionala en participant activament en l’elaboracion de las politicas europèas e, mai que mai, en lo rapòrt de Coesion que ven. La CTP, coma autoritat de gestion de POCTEFA, deu far son camin per menar a tèrme las responsabilitats que la Comission Europèa e los Estats li an conferit, mas tanben deurà se centrar en realizar de prepausas dins lo quadre politic regional, en demorant totjorn près de la ciutadanetat e de las personas usatgièras dels projèctes.
Carole DELGA
Presidenta de la Region d’Occitània
Presidenta de la Comunitat de Trabalh dels Pirenèus
Autoritat de gestion del POCTEFA
Dempuèi 2007, la CTP es Autoritat de Gestion del programa Interreg IV-A Espanha-França-Andòrra (POCTEFA 2007-2013). La CTP tanben es Autoritat de Gestion del programa Interreg V-A Espanha-França-Andòrra (POCTEFA 2014-2020) e del programa Interreg V-A Espanha-França-Andòrra (POCTEFA 2021-2027).
Lo Programa POCTEFA a per tòca de promòure e confinançar de projèctes de cooperacion realizats pels agents socioeconomics de la França, Espanha e Andòrra situats dins la zòna transfrontalièra eligibla.
Lo Programa POCTEFA 2021-2027 siguec aprovat eth 23 de noveme de 2022 pera Comission Europèa. Era dotacion dera Union Europèa a trauès deth Hons Europèu de Desvolopament Regionau (FEDER) concedida ath POCTEFA 2021-2027 ei de 243 milions d’èuros.
Lo Programa POCTEFA 2014-2020 còmpta sus una donacion de l’Union Europèa pel mejan del FEDER de 189 milions d’euros (178 milions sens l’Assisténcia tecnica) e s’organizzèc en cinc aisses. S’an finançat 175 projèctes transfronterers.
Del temps del programa POCTEFA 2007-2013, se programèron 152 projèctes entrepreses gràcias al FEDER disponible: 168 milions d’euros que foguèron investit dins aquesta aisina europèa de cooperacion. Aqueste programa arrivèt a 99% de nivèl d’execucion FEDER, çò que significa que gestion dels fonds europèus per part de programa es eficient e exemplari.
Consultas sul programa de cooperacion transfronterera Interreg VI-A Espanha-França-Andòrra (POCTEFA 2021-2027)
Lo programa Interreg VI-A Espanha-França-Andòrra (POCTEFA 2021-2027), en sua fasa d’elaboracion, hec ua sèria de consultes publiques:
- Una consulta prealabla sus la version provisòria del Programa se realizèt fins al 04/03/ 2021 enquadrat en lo procediment de l’avaloracion ambientala estrategica conformi a la legislacion ambientala francesa.
- Consulta publica ciutadana del POCTEFA 2021-2027: una version iniciala del futur programa POCTEFA 2021-2027 pòt se consultar aicí. Lo tèrme d’enviament de comentaris e suggestions a finalizat e foguèt dobèrt del 24 de genièr de 2022 al 13 de febrièr de 2022.
- Consulta publica relativa a l’Avaloracion Ambientala Estrategica del POCTEFA 2021-2027: l’estudi ambiental estrategic, lo resumit pas tecnic de l’estudi ambiental e la version iniciala del futur programa POCTEFA 2021-2027 los documents foguèron disponibles per consulta. Lo tèrme d’enviament de comentaris e suggestions a finalizat e foguèt dobèrt del 2 de febrièr al 5 d’abril de 2022.
Conselh plenièr
Lo Conselh plenièr es l’amassada annala dels presidents dels territòria de la CTP. Dins lo Conselh plenièr son acordadas las orientacions estrategicas e politicas del Consòrci de la CTP basadas sus las proposicions realizadas pel Comitat executiu. Aquestas orientacions son recampadas cada an dins un document sonat « Declaracion comuna dels presidents » que se signa pendent lo Conselh plenièr.
A novembre de 2023 se celebrèt lo 41 plenari de la CTP. Pòt aicí consultar la Declaracion comuna de presidents signats en novembre de 2023.
Mai, dins l’encastre d’aquel Plenari, foguèt signat lo “Compromís per la promocion de l’idrogèn renovelable” que se pòt descargar aquí.
QUESTIONS FREQUENTAS
Lo consòrci de la Comunautat de Trabalh dels Pirenèus (CTP) es un organisme interregional de cooperacion transfrontalièra creat pel Conselh d’Euròpa en 1983.
La tòca de la CTP es de contribuir al desvolopament dels Pirenèus, en prenent en compte sas escomesas e en jogant sus sas fòrças. Fa mai de tres decennias que la CTP ensaja de favorisar los escambis entre los territòris e los actors del massís pirenenc, de trobar ensems de solucions a lors problèmas comuns e organizar d’accions transfrontalièras.
Ne fan partida:
- Doas regions francesas: Nòva Aquitània e Occitània / Pirenèus-Mediterranèa
- Quatre comunautats autonòmas espanhòlas: Aragon, Catalonha, Bascoat e Navarra.
- Lo Principat d’Andòrra.
La CTP trabalha per melhorar la qualitat de vida de las personas que vivon dins la region pirenenca. Gràcias a la cooperacion transfrontalièra a de diferents nivèls, la CTP afronta d’unes dels problèmas mai urgents del territòri, en cercant de solucions comunas e en organizant d’accions.
Podètz consultar mai d’informacions suls projèctes promoguts per la CTP e, sul programa POCTEFA, dirigit per la CTP.
Nos podètz contactar a contact@ctp.org, en telefonant a +34 974 36 31 00 o per corrièr, a l’adreça: Avenida Nuestra Señora de la Victoria, 8 (Jaca).
Se avètz una idea de projècte de cooperacion transfrontalièra que desiratz presentar a la CTP, nos podètz contactar a contact@ctp.org o en telefonant a +34 974 36 31 00.
Podèm pas garantir que vòstre projècte serà sostengut, mas escotarem vòstra proposicion e vos respondrem.
Dispausam d’una seccion ont publicam totas los pòstes liures del Consòrci de la CTP. La podètz consultar aicí. Recomandam que vos inscrigatz a nòstra letra d’informacion per seguir totas las actualitats nòstras, compresas las oportunitats d’emplec.
Lo sèti istoric de la CTP ocupa la Tor del relòtge de Jaca (Òsca), inaugurada en 1987.
Lo sèti administratiu de la CTP se localiza dins l’edifici de l’Institut Pirenenc d’Ecologia (IPE), al numero 8 de l’Avenida Nuestra Señora de la Victoria de Jaca (Òsca).