L’Estrategia Pirenenca de la CTP

Estrategia Pirenenca

L’ Estrategia Pirenenca (EPi) es lo plan d’accion de la Comunautat de Trabalh dels Pirenèus qu’establís las prioritats pel desvolopament del territòri pirenenc e las accions per melhorar la vida de sos abitants de 2018 fins a 2024.

ctp estrategia pirenaica_primer_borrador

PRIMIÈR ESCAPOL

Jos la presidencia de Nòva Aquitània (2015-2017)-

APROBADA

Pendent la presidéncia d’Aragon (2017-2019)-

DESVOLOPAMENT

De 2018 fins a 2024. A carga de las presidéncias d’Aragon, Catalonha, Bascoat e Occitània.

Dempuèi sa creacion en 1983, la CTP se basa sus la cooperacion transfrontalièra entre sos integrants. En 2005, la CTP se convertiguèt en consòrci e foguèt nomenada Autoritat de Gestion del Programa Operatiu de Cooperacion Territoriala Espanha-França-Andòrra (POCTEFA).

La CTP voliá respondre a las escomesas de desvolopament dels territòris pirenenencs al delà del POCTEFA. Es aital que nasquèt l’Estrategia Pirenenca, que vòl convertir la CTP en la referéncia en matèria de coesion economica, sociala e territoriala dels Pirenèus, aital coma en la defensora dels interèsses pirenencs en respècte a las institucions de l’Union Europèa.

En 2018, la CTP comencèt a organizar l’Estrategia Pirenenca.

La CTP ensaja de respondre a sas orientacions fondatrices e de contunhar a favorisar la coesion economica, sociala e territoriala entre los territòris que ne fan partida, en fasa amb la Politica de Coesion Europèa.

Ont se desvolopa l’Estrategia Pirenenca?

Las accions de l’Estrategia Pirenenca se desvolopan dins un perimètre mai larg que las zònas de nauta montanha, en englobant tanben los territòris pròches del massís pirenenc. Aqueste cadre d’accion respond a l’enveja d’adoptar una perspectiva larga que reconesca mai de factors que pesan sul desvolopament de la cooperacion transfrontalièra.

mapa ctp estrategia pirenaica_Mesa de trabajo 1

Sus qué trabalha l’Estrategia Pirenenca?

Los 15 milions de personas que vivon dins la region d’accion de l’Estrategia Pirenenca s’afrontan a una tièra d’escomesas comunas, coma per exemple:

L’atenuacion e l’adaptacion al cambiament climatic e la prevencions de risques naturals.
La mancança d’una estrategia de long tèrme per melhorar la qualitat de vida e los atraches del territòri que garantisca los servicis de proximitat, aital coma per combatre los nivèls desparièrs d’innovacion e recèrca.
Las dificultats de mobilitat (transpòrt, infrastructuras) e connectivitat numerica, que pesan sul malhum d’entreprèsas e s’enseguisson d’un ralentiment de las industrias localas

L’Estrategia vòl èsser l’aisina que combine totas aquelas realitats geograficas, socialas e economicas per s’atacar a aquelas escomesas territorialas.