L’Associacion europèa de las regions frontalèras (ARFE) qu’a lançat un aperet navèth a projèctes B-Solucions entà la resolucion deus obstacles a las frontèras. L’objectiu d’aqueth aperet qu’ei d’identificar e d’ajudar a resòlver 120 obstacles juridics o administratius qui entravan la cooperacion transfrontalèra. La CTP que desira auherir lo son sostien a las entitats pirenencas qui considèran de’s portar candidatas.
L’Unitat Desvolopament e Dinamizacion de la CTP qu’ei a la disposicion de las entitats e candidaturas eligiblas desirant postular ad aqueth aperet a proposicions, per contacte(@)ctp.org, entà los portar un sostien tecnic. En 2019, la CTP qu’a miat un projècte B-Solucions orientat sus las barrèras administrativas dens lo maine de la santat : Quan las urgéncias medicaus esfaçan las frontèras.
L’aperet B-Solucions, qui’s concentra aqueth còp suus obstacles qui surgeishen quan i a ua manca de coheréncia o de legislacion aplicadera deus dus costats de la frontèra, o deus procediments administratius diferents qui entravan las interaccions, que serà obèrt dinc au 28 de heurèr.
Las entitats publicas (locaus, regionaus o nacionaus), las entitats transfrontalèras e las entitats de dret public que’s pòden portar candidatas ad aqueth aperet B-Solucions. Aqueras organizacions que deven estar situadas dens un Estat membre de l’UE, dens los país membres de l’AELE (Associacion europèa de liure-escambi) o dens los país candidats (IPA).
Entà mei d’informacions :
