L’Associacion europèa de las regions frontalèras (ARFE) qu’a lançat un aperet navèth a projèctes B-Solucions devath lo títol « B-solucions 2.0. Resòlver los obstacles transfrontalèrs ». Aquera iniciativa qu’a per mira d’identificar 120 cas d’obstacles juridics o administratius a la cooperacion transfrontalèra.
Mei precisament, l’aperet que cèrca d’abordar los obstacles qui surgeishen quan i a ua manca de coheréncia legislativa deus dus costats d’ua frontèra, de las proceduras administrativas diferentas o ua manca d’opcions juridicas entà las interaccions transfrontalèras.
L’aperet qu’ei obèrt a los:
- Organismes publics au nivèu nacionau, regionau o locau
- Entitats transfrontalèras
- Organismes de dret public
Los cas seleccionats que receberàn ua assisténcia tecnica entà dominar los obstacles dens divèrs maines tematics : cooperacion institucionau, servicis publics, mercat deu tribalh e educacion, European Green Acòrd. Aqueths dossièrs que seràn seleccionats a mesura de la lor recepcion .
Mei d’informacions suu site de l’Associacion europèa de las regions frontalèras.
