Al nom de la Direccion Regionala de la Comission Europèa, l’Associacion de Regions Transfrontalièras Europèas (en inglés, AEBR) lança la quatrena convocacion de proposicions dins lo quadre de l’iniciativa b-solutions. L’AEBR trabalha per melhorar la cooperacion transfrontalièra pel mejan de son sosten a de projèctes e iniciativas.
Demest aquestas iniciativas, b-solutions, presa per la Comission Europèa al mes de setembre de 2017, a per tòca de despassar los empaches juridics e administratius que frenan la cooperacion transfrontalièra.
Gràcias a-n-aquesta quatrena convocacion, se dona l’escasença a d’institucions e organismes publics de comptar amb l’acompanhament e los conselhs d’especialistas sus aquesta mena d’empaches.
Un recuèlh foguèt ja publicat gràcias als resultats de las doas primièras convocacions, amb 43 exemples d’empaches e mantunas mesuras per los despassar.
Se deuràn mandar las candidaturas per la quatrena e darrièra convocacion al pus tard lo 11 de març de 2021. Doas sesilhas d’informacion, en inglés, son previstas amb la còla de b-solutions per respondre a totas las questions sus las candidaturas:
- lo 2 de febrièr de 2021 a 12h
- lo 18 de febrièr de 2021 a 12h
Mai informacion:
