FÒRUM TRANSPIRINENC DE LA JOINESSA – ERASMUS+
La Comunautat de Trabalh dels Pirenèus mèna lo projècte del Fòrum transpirenenc de la joinessa dins lo quadre del programa Erasmus+. Aquesta iniciativa, coneguda egalament coma Pyrenean Youth, a per tòca de partejar las reflexions dels joves dels Pirenèus per metre al clar lors besonhs e afortir la preséncia de la joinessa dins las politicas publicas dins los territòris pirenencs. Lo projècte Pyrenean Youth organizèt una amassada presenciala de joves e representants politics a Biescas e Lo Pueyo de Jaca los jorns 1, 2 e 3 de #octòbre de 2021. Mai informacion aicí.
L’idèa d’aviar un Fòrum transpirenenc de la joinessa resulta del trabalh del grop de trabalh per la joinessa de la CTP, creat gràcias a l’Estrategia pirenenca 2018-2024, que sa tòca es de promòure la participacion activa dels joves del territòri transfrontalièr. Los participants representan los sèt territòris de la CTP (Nòva Aquitània, Occitània, Bascoat, Navarra, Aragon, Catalonha e Andòrra).
En mai de la CTP, fan partida d’aqueste projècte la Region Nòva Aquitània e la Region Occitània.
Lo Fòrum Transpirenenc de la Joenessa se celèbra per segonda escasença a Hondarribia, del 29 de setembre al 2 d’octòbre de 2022. Aquel segond fòrum vira entorn del cambiament climatic e la creacion de projèctes de cooperacion transfronterera de la part de joves.
