![Viet Dominique – CRT Occitanie_HD-ctp Viet Dominique - CRT Occitanie_HD-ctp](https://ctp.org/wp-content/uploads/2019/08/xViet-Dominique-CRT-Occitanie_HD-ctp-2.jpg.pagespeed.ic.J6iFCagwKz.jpg)
![Cordes-sur-Ciel (affiche 22711) (81) – RMP0020403_Viet Dominique – CRT Occitanie_HD Cordes-sur-Ciel (affiche 22711) (81) - RMP0020403_Viet Dominique - CRT Occitanie_HD](https://ctp.org/wp-content/uploads/2019/08/xCTP-Occitanie5-1.jpg.pagespeed.ic.nesv6PKerD.jpg)
Occitanie / Pyrénées-Méditerranée
A Rechión Oczitania / Pirineus-Mediterranio (Occitanie / Pyrénées-Méditerranée) se carauteriza por una importán variedat de paisaches y una gran riqueza cultural.
Ye a segunda rechión más gran de Franzia, con un territorio mayor que lo d’Irlanda. A suya poblazión ye creixendo aprisa (más de 800.000 abitadors previstos ta 2030).
En 2017, a Rechión dezide zentrar-se en a economía d’o futuro y enfortir o suyo compromiso con o desembolique economico y a innovazión. A industria, l’agricultura, as zonas costeras, as montañas y a tecnolochía dichital son autivos d’ista rechión que ofrexen muitas oportunidaz ta la creazión de puestos de triballo.
A Rechión d’Oczitania se ye convertindo en un bastión nazional de l’aeronautica y d’o espazio, con 800 interpresas y una posizión de líder mundial en o sector aeronautico y lider europeu en o sector espazial.
Con 140.000 personas treballando en l’agricultura, Oczitania ye a segunda rechión franzesa en termins d’emplego agricola y a primera en termins de numero d’esplotazions ecolochicas.
Con 30 millons de turistas a l’año, a rechión chenera cuasi 14 millons d’euros en ingresos por turismo cada añada. Disposa de numerosos puestos famosos que contribuyen a dar a conoxer os territorios en os cuals se i troban.
A Rechión d’Oczitania apoya la competitividat y a millora d’os establimientos turisticos, en particular en as zonas de montaña, ta diversificar a ofierta y promover un turismo de 4 estazions.
Con os suyos 220 kilometros de costa y mesmo 20 baños, a Rechión s’ha convertiu en una verdadera potenzia marítima. Ye a primera flota pesquera franzesa en o Mediterranio.
![RMP0057134_Boutonnet Laurent – Region Occitanie_HD-ctp RMP0057134_Boutonnet Laurent - Region Occitanie_HD-ctp](https://ctp.org/wp-content/uploads/2019/08/xRMP0057134_Boutonnet-Laurent-Region-Occitanie_HD-ctp.jpg.pagespeed.ic.uDz7wEJmSm.jpg)
![RMP0034997_Thebault Patrice – CRT Occitanie_HD-ctp RMP0034997_Thebault Patrice - CRT Occitanie_HD-ctp](https://ctp.org/wp-content/uploads/2019/08/xRMP0034997_Thebault-Patrice-CRT-Occitanie_HD-ctp.jpg.pagespeed.ic.Qi4j-RS-vY.jpg)
![RMP0053227_DARNAUD Antoine – Region Occitanie_HD RMP0053227_DARNAUD Antoine - Region Occitanie_HD](https://ctp.org/wp-content/uploads/2019/08/xCTP-Occitanie6-1.jpg.pagespeed.ic.-V-q0TbIcs.jpg)
![RMP0020401_Viet Dominique – CRT Occitanie_HD RMP0020401_Viet Dominique - CRT Occitanie_HD](https://ctp.org/wp-content/uploads/2019/08/xCTP-Occitanie9-1.jpg.pagespeed.ic._MHSRxkwoh.jpg)
Europa
A rechión d’Occitanie / Pyrénées-Méditerranée ye una rechión con una dimensión y un orizón europeu. Situada en o corazón d’o sudueste d’Europa, deseya estar un actor de pleno dreito en a construzión europea, afirmando a suya capazidat d’integrar-se en una lochica de proyeutos a lo servizio d’os actors, d’os territorios y d’as poblazions, en colaborazión con os suyos sozios inmediatos d’a Peninsula Iberica (instituzions miembros d’a Comunidat de Treballo d’os Pirineus), d’o Mediterranio, pero tamién con atras rechions europeas, en o marco de rez europeas u d’asoziazions reforzadas.
As Rechions tienen un papel clau que desempeñar: dillá d’a suya creixén partizipazión en l’aplicazión d’as politicas europeas y en a chestión d’os fondos europeus, son tamién un espazio pertinén ta un dialogo zivico renovau entre as poblazions, os territorios y os suyos actors, asinas como entre as instituzions d’a Unión Europea.
Occitanie/Pyrénées-Méditerranée pretende desempeñar iste papel y autuar en nombre d’as valors umanistas, solidarios, de paz y de fraternidat, que constituyen l’alazet d’a construzión europea.
Datos
![RMP0006516_Viet Dominique – CRT Occitanie_HD RMP0006516_Viet Dominique - CRT Occitanie_HD](https://ctp.org/wp-content/uploads/2019/08/xCTP-Occitanie-1.jpg.pagespeed.ic.mYvO6mKXYe.jpg)
Superfizie (en km2) | 72 724 km2 |
Superfizie de montaña pirenenca (km2) | 13 000 km2 |
Poblazión | 5 830 000 abitadors |
Densidat de poblazión | 79 abitadors por km2 |
Capital | Toulouse |
Kms de frontera ES-FR-AND | 623 km con España 57 km con Andorra |
Kms de costa | 220 km |
Trestallos | 13 (Ariège, Aude, Aveyron, Gard, Haute-Garonne, Gers, Hérault, Lot, Lozère, Hautes-Pyrénées, Pyrénées-Orientales, Tarn et Tarn-et-Garonne) |
Idiomas | Francés, catalán y occitano |
![RMP0067909_DARNAUD Antoine – Region Occitanie_HD RMP0067909_DARNAUD Antoine - Region Occitanie_HD](https://ctp.org/wp-content/uploads/2019/08/xCTP-Occitanie8-1.jpg.pagespeed.ic.qp_ow_LROw.jpg)
![RMP0069858_Boutonnet Laurent – Region Occitanie_HD RMP0069858_Boutonnet Laurent - Region Occitanie_HD](https://ctp.org/wp-content/uploads/2019/08/xCTP-Occitanie7-1.jpg.pagespeed.ic.hDQwH4gLbX.jpg)
![RMP0008271_Viet Dominique – CRT Occitanie_HD RMP0008271_Viet Dominique - CRT Occitanie_HD](https://ctp.org/wp-content/uploads/2019/08/xCTP-Occitanie3-1.jpg.pagespeed.ic.jF8HlYKHG0.jpg)
Contauto
Nombre d’a presidenta: Carole Delga
Hôtel de Région 22 boulevard du Maréchal Juin 31406 TOULOUSE cedex 09
https://www.laregion.fr
+330561335050
Fax. 05 61 33 52 66
![RMP0088781_Grollier Philippe – Region Occitanie_HD RMP0088781_Grollier Philippe - Region Occitanie_HD](https://ctp.org/wp-content/uploads/2019/08/xpresidenta-occitanie-carole-dega.jpg.pagespeed.ic.kP929nv9a0.jpg)