Nouvelle-Aquitaine
A rechión Nueva Aquitania (Nouvelle-Aquitaine), continental a lo este, ozeanica a lo ueste, fronteriza a lo sur y puerta ta España, s’ubre a lo mundo ofreixendo-le diferens fazetas con a Charente ozeanica, os sasos d’o Limousin, l’arboliau Perigord, a rechión vinícola de Burdeos, os ortals d’Agenais, as selvas d’as Landas, o montañoso País Basco y as tierras de l’interior, en as cualas conviven castiellos, bastidas y ziudaz medievals.
Nueva Aquitania, a mayor rechión de Franzia, brilla por as suyas complementariedaz industrials (aeronautica, laser, sectors d’o cuero y a fachenda, ecoindustrias, agroalimentazión, salut…) y cuenta con un importán potenzial turistico grazias a os suyos numerosos enclaves declaraus Patrimonio d’a Umanidat por a UNESCO y a los suyos notables paraches naturals.
A rechión tamién ha sabiu protecher as suyas tradizions (rugby, surf, pesca esportiva, pilota basca y luengas rechionals), o suyo patrimonio arquiteutonico, istorico y gastronomico (vinos, foie, tuberas, mique de Corrèze y pastels de queso de craba), y goza d’una rica tradizión intelectual, filosofica y literaria, grazias en particular a Montaigne, Montesquieu y Mauriac.
Europa
A rechión de Nueva Aquitania partizipa en varios espazios y programas europeus ta trobar soluzions comunas a os problemas transfronterizos.
Mui autiva en a zona pirenenca, desempeña un papel primordial en a Comunidat de Treballo d’os Pirineus en arias clau como o meyo ambién, o transporte, a formazión, a investigazión y a innovazión.
Nueva Aquitania ye en particular una fuerza de propuesta ta la chestión d’os fondos europeus en o marco d’o Programa de Cooperazión Territorial Europea España-Franzia-Andorra (POCTEFA). En iste programa, cumple a funzión d’autoridat nazional proporzionando sobre tot refirme churidico a l’Autoridat de Chestión, a CTP.
En un plano más cheneral, en 2011 creó una eurorrechión que más tarde, en 2017, pasó a estar a eurorrechión de Nouvelle-Aquitaine – Euskadi – Navarra. Ista Agrupazión Europea de Cooperazión Territorial ye un verdadero espazio de cooperazión reforzada ta conseguir que o territorio sía sostenible, fazilitar a mobilidat transfronteriza y fomentar una economía basada en o conoixenzia y una ziudadanía eurorregional.
Por unatro costau, lidera dende 2001 una cooperazión bilateral con Aragón ta afavorir a cooperazión tocán a desembolique sostenible y cultura.
En o marco d’a nueva Estratechia Pirenenca 2018-2024, endrezada por a CTP, Nueva Aquitania partizipa plenamén en a implementazión de proyeutos que responden a os suyos obchetivos.
Données
Superfizie (en km)/strong> | 84 100 km² |
Poblazión | 5,8 millons d’abitadors |
Densidat de poblazión | 70 (abitadors/km²) |
Capital | Bordeaux |
Kms de costa | 720 km de littoral |
Trestallos | 12 (Dordogne, Gironde, Landes, Lot-et-Gmarconne, Pyrénées-Atlantiques, Charente, Charente-Maritime, Deux-Sèvres, Vienne, creuse, Corrèze, Haute-Vienne. |
Idiomas | Franzés, Euskera, Ozitano y Poitevin-Saintongeais |
Contacto
Nombre d’o Presidén: Alain Rousset
Hôtel de Région 14, Rue François de Sourdis 33 077 Bordeaux cedex
https://www.nouvelle-aquitaine.fr
+330557578000
contact(@)nouvelle-aquitaine.fr