Aragón
Aragón ye a puerta zentral a Europa dende España y Portugal. A suya estratechica ubicazión lo convierte en nexo natural entre dos d’os eixes de desembolique más importans d’Europa: l’Eixe Atlantico y l’Eixe Mediterranio.
A ubicazión cheoestratechica d’o territorio, a disponibilidat d’espazio, a conzentrazión d’autividat economica y a capazidat de conectar corredors y rotas fan d’Aragón una potenzia lochistica reconoxida internazionalmén, abendo-se convertiu en os zaguers años en o zentro de referenzia lochistica d’o sur d’Europa.
Aragón ye tierra de paisaches eszezionals, de grans contrastes y ecosistemas mui diversos, más de 2,4 millons d’hectarias de mon, d’as cualas un millón y meyo son arboladas. Tot un mundo d’abitats diferens y d’espazios protechius.
Zentros d’investigazión, desembolique y innovazión, y parques zientificos y tecnolochicos, constituyen a esprisión d’o potenzial en investigazión y transferenzia teunolochica en Aragón, destacando por as suyas inversions en sectors innovadores como as enerchías renovables.
Una tierra que alienta istoria, cual siñals permaneixen frescas. Encara se conservan monimentos megalíticos, pinturas rupestres y poblaus ibericos. Una Comunidat de contrastes en a cuala han conviviu cristians, chodigos y musulmans. Una Comunidat con un patrimonio artistico milenario. D’o romanico a lo barroco, pasando por a esplendor d’o gotico, o mudeixar u o renaiximiento.
Un territorio ubierto a Europa
Formar parte d’a Comunidat de Treballo d’os Pirineus supone ta Aragón complir con a vocazión europeísta d’a rechión, que mira a Europa ya dende o suyo Estatuto d’Autonomía.
O Consorzio d’a CTP se troba adscrito a la Comunidat Autonoma d’Aragón y a suya seu ye en Chaca.
Aragón desarrolla, dende fa varios dezenios, contactos continos con as suyas rechions franzesas vezinas, Nueva Aquitania y Oczitania en un marco de cooperazión estable y solido.
Aragón comparte con istas rechions muga natural fisica y gran parte d’as suyas prenzipals carauteristicas cheograficas, economicas, sozials y culturals. Tienen a voluntat común d’aportar una respuesta conchunta a os suyos desafíos compartius, reduzir os obstaclos fisicos, culturals, alministrativos y reglamentarios que puedan frenar a cooperazión, atenuar o “efeuto muga”, abordar conchuntamén os retos derivaus d’a situazión fronteriza, esclatar o potenzial de totas dos caras d’os Pirineus y millorar o prozeso de cooperazión en o sino d’a Unión Europea.
Istas relazions se plasman en convocatorias añals que finanzian proyeutos de cooperazión transfronteriza.
Aragón partizipa directamén en a Unión Europea, en gran mida a traviés d’a Ofizina d’Aragón en Bruselas, que acaza a presentazión, defensa y promozión d’os intréses d’Aragón debán de as instituzions y organos d’a Unión Europea. Partizipa asinasmesmo en o Comité d’as Rechions, en os Comités de Comitolochía d’a Comisión, en a esfera d’o Consello, asinas como a traviés d’a suya partizipazión en a Conferenzia ta Asuntos Relazionaus con a Unión Europea (CARUE).
Datos
Superfizie de montaña pirenenca (km2) | 47.720 km2 |
Superfizie de montaña pirenenca (km2) | 20.849 Km2 |
Poblazión | 1.308.728 (2018, IAE) |
Densidat de poblazión | 27,43 abitadors/km2 |
Capital | Zaragoza |
Kms de frontera YE-FR-AND | 136 kilometros de muga con Franzia |
Provinzias | Teruel, Uesca y Zaragoza |
Idiomas | Español, Aragonés y Catalán d’Aragón |
Contauto
Nombre d’o presidén: Sr. Javier Lambán Montañés
Paseo María Agustín 36
https://www.aragon.es
Portal d’o Patrimonio Cultural d’Aragón
Sistema d’Informazión d’o Patrimonio Cultural Aragonés
+34 976714000