Amb la tòca de promòure la participacion activa de la joinessa dins la vida democratica e encoratjar lo debat a l’entorn del cambiament climatic, la Comunautat de Trabalh dels Pirinèus (CTOP) amassèt, al temps del II Fòrum Transpirenenc de la Joinessa, en Hondarribia, mai de 60 joves originaris de Nòva Aquitània, Occitània, Catalonha, Andòrra, Aragon, Navarra e Bascoat. Tre lo dijòus 29 de septembre, trabalhèron sus sèt projèctes de cooperacion en accion climatica que dònan seguida al Manifèste de la Joinessa Pirenenca elaborat en 2021. Dins la matinada presentèron lors prepausicions a un desenat de representants institucionals dels sèt territòris pirenencs.
Lo president de la CTP e Lehendakari, Íñigo Urkullu, soslinhèt al temps de son intervencion por videoconferéncia que “sètz vosautras e vosautres los primièrs a contornejar la situacion causada pel cambiament climatic e a far de nòstres países un modèl de desvolopament respectuós que garantisca la benestança e lo desvolopament sostenible de las generacions futuras”.
Al costat del cònsol de Hondarribia, Txomin Sagarzazu, lo Secretari General de la CTP, Mikel Antón, saludèt los participants e las participantas tot en senhalant: “es perfièchament pertinent que ajatz causit lo cambiament climatic, cal saludar vòstre trabalh sus un enjòc orizontal que pertòca totes los domenis de trabalh. Nosautres sèm uèi aicí per compréne vòstre punch de vista e l’integrar a nòstras politicas”. De son costat, lo director de la CTP, Jean-Louis Valls, motivèt los joves e las jovas: “vòstres projèctes s’acaban pas amb lo Fòrum. Volèm que contunhen, que arriben a lor tèrme e, perqué pas, que s’intègren a d’autras iniciativas encara mai bèlas ».
Sèt projèctes de cooperacion dirigits per la joinessa en favor de l’accion climatica dins los Pirenèus
Los projèctes pòrton sus de questions tan divèrsas coma la salvagarda de la biodiversitat; la sensibilitat pel mejan dels arts, los mèdias o amb un autocar-musèu. Los joves e las jovas prepausèron un projècte dedicat al sostén de la produccion e la consumacion dels manjars locals e una iniciativa pel manteniment dels caminòls pirenencs d’una generacion a l’autra.
Núria Ramón, directora generala de l’Agència Catalana de la Joventut; Carlos Amatriain, director de l’Instituto Navarro de la Juventud; Cécile Biénès, directora per la joinessa de la Region Nòva Aquitània; y Adrián Gimeno, director de l’Instituto Aragonés de la Juventud, evoquèron las prepausicions per sugerir de melhoraments al prèp de promotors de projèctes POCTEFA, de representants de l’Eurorregion NAEN, de l’Equipo Europa e de l’Observatòri Pirenenc del Cambiament Climatic.
Dins la vesprada, los participants e las participantas percorrèron en bicicleta una etapa de la Rota Verda del Bidasoa, a Doneztebe/Santesteban (Navarra). Lo dimenge 2 d’octobre finiguèt lo rescontre amb la presentacion dels projèctes acabats.
Album del II Fòrum Transpirenenc de la Joinessa
