Era OCDE e era Comission Europèa trabalhen en un projècte qu’analisen era governança transfronterera en cinc casi de regions termierères dera Union Europèa. Un d’eri ei er Espitau Transfronterer dera Cerdanha, que siguec prepausat pera Comunitat de Trabalh des Pirenèus (CTP) en sòn ròtle de impulsor dera cooperacion transfronterera en encastre dera salut.
En aguest contèxt, es dies 6 e 7 de junh de 2023 persones expèrtes en desvolopament territoriau rurau dera Organizacion de Cooperacion e Desvolopament Economic, OCDE, e dera Direccion Generau Regionau dera Comission Europèa visitèren er Espitau Transfronterer dera Cerdanha en marc d’ua mission. Concrètaments es persones dera OCDE s’amassèren damb actors deth territòri dera Cerdanha e dera cooperacion transfronterera. Entre aguesti actors èren representants deth Ministèri francés dera salut; dera Agropacion Europèa de Cooperacion Territoriau, AECT, Pirenèus-Mediterranèa; deth Ministèri de salut d’Andòrra; dera Generalitat de Catalonha; dera Comission consultativa der Espitau; dera Comunitat de Trabalh des Pirenèus, CTP; des Conselheries d’Accion Exteriora dera Generalitat de Catalonha e deth Govèrn Basc, coma presidéncia dera CTP; personau dera CTP; representants dera Presidéncia dera Region Occitanie; representants dera Agéncia Catalana de Salut; representants dera Agropacion Europèa Pirenencs-Mediterranèa: professionaus sanitaris e cargues elegidi locaus.
Eth projècte dera OCDE, dessús melhore de governança verticau en zònes transfrontereres d’Euròpa, a estat dat eth mandat pera DG Regio dera Comission Europèa damb er objectiu de disposar d’un marc analític damb elements comuns tàs cinc regions pilòtes d’Euròpa objècti d’aguest projècte, entà veir quines politiques de desvolopament territoriau son importantes entà Euròpa e entà melhorar aguesta governança.
Pendent es reünions se metec en evidéncia eth gran assolidatge qu’a significat eth bastiment e metuda eth foncionament d’aguest Espitau Transfronterer dera Cerdanha, unic en Euròpa, qu’arresponie a un besonh reau deth territòri e que siguec impulsat damb ua fòrta volontat politica. Eth bastiment der Espitau siguec cofinançada per hons europèus (FEDER) en marc deth Programa Interreg POCTEFA. D’autra banda, maugrat eth bon foncionament generau der espitau, se mencionèc que demoren fòrça obstacles entà resòlver, coma financèrs, administratius, legaus, interculturaus, entre autes, que se presenten ena gestion jornalièra. Bères solucions possibles passarien per flexibilitzar procediments administratius, entà autrejar un caractèr d’excepcionalitat entara aplicacion juridica deth marc legau e entà auer ua bona interlocució damb totes es institucions responsables des decisions. Tanben se comentèc er interès qu’en un futur era planificacion de servicis de salut se hèsque de manèra estrategica entà un airau foncionau de manèra conjunta dempús der inici e que se pogue a optar a un pressupòst coerent damb aguesta planificacion.
Era CTP a, en aguest projècte, un ròtle de facilitadora: se responsabilizèc dera presentacion dera candidatura ara OCDE, exercís de connectora entre actors e a coma objetiu finau era cèrca deth benefici entara poblacion.
