L’Associacion de Regions Transfrontalièras Europèas (en inglés, AEBR) informa de l’ampliament del tèrme de presentacion de candidaturas de la tresena convocacion de projèctes B-Solutions amb la collaboracion de la Comission Europèa. Las candidaturas poiràn se presentar fins al 11 d’octòbre de 2020.

B-Solutions es una iniciativa qu’a per tòca de combatre los empaches legals e administratius per la cooperacion transfrontalièra dins las frontièras interioras de l’Union Europèa. La tresena convocacion s’interèssa mai que mai als cas d’interaccion transfrontalièra malaisida per de rasons estructuralas:

  • Per manca de coeréncia dins la legislacion
  • Pr’amor d’inconsisténcias e encambament de procediments administratius
  • Perque la legislacion aplicabla (europèa, nacionala o regionala) ten pas compte de l’especificitat de l’interaccion transfrontalièra

En mai de descriure los empaches, las candidaturas deuràn explicar coma la cooperacion melhorarà quand aqueles seràn reglats. Tots los documents se poiràn legir sus la pagina web del programa B-Solutions.

La Comunautat de trabalh dels Pirenèus e B-Solutions

Lo Consòrci de la Comunautat de Trabalh dels Pirenèus (CTP) participèt a la convocacion precedenta en condusent lo projècte B-Solutions « Quand las urgéncias medicalas escafan las frontièras » (dins l’original en anglés, « When Emergency Medical Systems erase borders »). S’agís d’un projècte concebut per melhorar l’accès de la populacion a de servicis sanitaris d’urgéncia pel mejan de l’eliminacion dels empaches administratius, tot en melhorar l’eficiéncia e l’eficacitat dels diches servicis. Mai d’informacions sus aqueste projècte aicí.

La Comission Europèa publiquèt un recuèlh dels 43 projèctes programats dins las doas convocacions precedentas de B-Solutions, que s’i tròba lo projècte menat per la CTP. Lo document presenta una analisi dels resultats dels projèctes e se pòt legir aicí.