Andorra
Entre Franzia y España, Andorra ye o destín ideyal ta os amans d’o shopping, pero tamién ofreixe una moltetut d’autividaz.
Se puede descubrir o patrimonio unico de l’arte romanico y visitar a Val d’o Madriu-Pedrafita-Claror (que ocupa o 10% d’o territorio), declarau patrimonio mundial por a UNESCO.
O territorio ye espezialmén montañoso con 65 tucas que se sitúan a más de 2.000 metros d’altura. A tuca más alta ye o “Pic de Coma Pedrosa” (2.942 m).
Entre as visitas d’intrés cultural destacan la de Casa d’a Vall por a suya importanzia istorica y o Santuario de Meritxell símbolo d’a identidat nazional d’Andorra y d’o fervor popular.
Asombra l’importán numero d’ilesias repartidas por tot o país. Entre istas alfayas de l’arte romanico, cabe destacar as ilesias de Sant Joan de Caselles, Sant Romà dels Bons, Sant Martí d’a Cortinada, Santa Coloma u Sant Serni de Nagol, Sant Miquel d’Engolasters.
L’arquiteutura zivil se troba representada por o puen d’a Margineda (Andorra la Vella), que ye o puen medieval más gran d’o Prenzipau, y por o puen de Sant Antoni (A Massana).
En Andorra, posar-se a la mesa d’un restaurán tipico (en una borda, u casa de montaña propia d’o país) ye un verdadero plazer. Se puede tastar o trinxat (priesto con col, trunfas y lardones) y una gran variedat de charcuterías, entre as cualas destacan a donja, a bringuera, o bull…
Un territorio ubierto a Europa
O 14 de marzo de 1993, s’aprebó vía referendum o testo constituzional que define o país como un Estau de dreito, democratico y sozial. Encara que no perteneixe a la Unión Europea, Andorra ye un país ubierto a Europa que autualmén tiene vichén un Alcuerdo Monetario con a Unión Europea y ye negoziando un Alcuerdo d’Asoziazión que ha de permitir a Andorra partizipar en o Mercau Interior d’a UE.
O Prenzipau d’Andorra ye situau en o corazón d’os Pirineus. O país s’estendilla sobre una superfizie de 468 km2. A estensión d’a frontera con Franzia ye de 56,6 Km. d’o Norte ta l’Este, mientres que la d’España, d’o Sur a l’Ueste, ye de 63,7 Km.
Datos
| Superfizie (en km) | 468 km2 |
| Superfizie de montaña pirenenca (km2) | 468 km2 |
| Poblazión | 72.282 abitadors (zenso 2018) |
| Densidat de poblazión | 154,4 ab/ km2 |
| Capital | Andorra la Vella (22.151 abitadors) |
| Kms de frontera YE-FR-AND | 120,3 km de muga con Franzia (56,6) y España (63,7) |
| Kms de costa | Garra |
| Provinzias / Départements | 7 parroquias |
| Idiomas | Catalán |
Contauto
Nombre d’o presidén: Xavier Espot Zamora
C. Prat d’a Creu, 62-64 Edif. Administratiu AD500 Andorra la Vella
https://www.govern.ad
+376875700
