MIDMACC
![Logo MIDMACC Logo MIDMACC](https://ctp.org/wp-content/uploads/2019/10/midmacc-1.png)
![life_web](https://ctp.org/wp-content/uploads/2019/10/life_web.jpg)
LIFE MIDMACC ye un proyeuto que tiene por obchetivo prenzipal promover l’adaptazión a lo cambeo climatico a traviés d’a implementazión y preba de diferens alternativas de chestión d’o paisache en arias rurals de meya montaña, promovendo a lo mesmo tiempo y desembolique sozioeconomico sostenible.
O proyeuto tiene un caráuter transrechional ya que se desarrollará en tres rechions d’España: La Rioja, Aragón y Cataluña, en arias de meya montaña con carauteristicas climaticas y ambientals mui diferens.
Amás de l’OPCC-CTP, o partenariado d’o proyeuto ye componiu por: o Centre de Recerca Ecològica i Aplicacions Forestals (CREAF, chefe de ran), Instituto Pirenaico de Ecología (IPE-CSIC), l’Institute of Agrifood Research and Technology (IRTA), a Oficina Catalana del Canvi Climàtic (OCCC), a Universidad de Zaragoza (Unizar), a Universidad de La Rioja, y a Universitat Autònoma de Barcelona.
Atros proyeutos
![opcc opcc](https://ctp.org/wp-content/uploads/2019/10/xopcc.png.pagespeed.ic.WqMCaspa9w.png)
OPCC2
A Comunidat de Treballo d’os Pirineus (CTP) lidera o proyeuto OPCC2, que busca limitar os efeutos d’o cambeo climatico y adaptar a zona pirenenca a las suyas consecuenzias. As autividaz d’o proyeuto las coordina l’Observatorio Pirenenco de Cambeo Climatico (OPCC), una iniziativa d’a CTP naxida en 2010 ta afrontar os desafíos d’o cambeo climatico.
![sudoe sudoe](https://ctp.org/wp-content/uploads/2019/10/xsudoe.png.pagespeed.ic.UubkbuUXmK.png)
Montclima
L’obchetivo d’o proyeuto MONTCLIMA ye disposar d’as millors ferramientas y replicar as millors prauticas en materia de luita contra o cambeo climatico en os territorios d’o SUDOE (Programa de Cooperazión Interreg V-B Europa Surozidental).
![phusicos phusicos](https://ctp.org/wp-content/uploads/2019/10/xphusicos.png.pagespeed.ic.xY5FzGCcsJ.png)
Phusicos
PHUSICOS: “According to Nature”; ye un proyeuto que tiene por obchetivo contrimostrar que as soluzions basadas y inspiradas en a naturaleza ta reduzir os risgos asoziaus a os fenomenos meteorolochicos estrimos, espezialmén en arias vulnerables como zonas montañosas rurals, son teunicamén viables, rentables y aplicables a libel rechional.