Los 25 micro-projèctes de cooperacion transfrontalèra programats l’estiu darrèr qu’an començat d’organizar las lors prumèras activitats e manifestacions. Aqueths projèctes, miats per entitats qui, dens daubuns cas, que tribalhan peu purmèr còp dens l’encastre de la cooperacion transfrontalèra, qu’abòrdan questions essenciaus entau territòri . espòrt a la gestion forestièra, en passant per l’agricultura e l’art, aquí un resumit de quauquas uas de las prumèras accions miadas per daubuns deus consòrcis.
Paisajes Pyrénées: Lo CDAN e lo CPIFP Montearagón que desvolòpan un sejorn de recèrca sus l’art, la natura e lo paisatge a Tarba
Los estudiants e los ensenhaires deu diplòma superior n’arquitectura deu paisatge deu CPIFP Montearagón, en collaboracion dab lo Centro d’Arte i Naturaleza de Huesca, qu’an efectuat un sejorn de recèrca sus l’art, la natura e lo paisatge a Tarba. Dens aquera vila francesa, que son rejunts per estudiants e deus professors d’arquitectura paisatjada deu Licèu Adriana, atau com per autes artistas francés interessats peu tèma deu paisatge.
Aquera mobilitat qu’ei possibla gràcias au projècte Paisatges-Pirenèus, finançat per l’aperet a micro- projèctes de cooperacion transfrontalèra dens los Pirenèus. Lo projècte qu’a creat un collectiu de 50 estudiants, ensenhants e professionaus de la cultura e de las arts tribalhant suu paisatge, lo patrimòni pirenenc e lo cambiament climatic. Lo 21 d’octobre, ua intervencion conjunta qu’ei estada inaugurada a l’abadia de l’Escaladieu, un site patrimoniau transformat en centre d’art contemporanèu suu tèma de la natura e deu paisatge.
Contrebandiers: un eveniment transfrontalèr de trail e de BTT en hauta montanha
Imatge de Contrebandiers
Dab la mira de har revíver ua corsa vaduda tres decennias a mes qui a pas mei lòc, lo projècte Contrabandèrs qu’a organizat, la prumèra dimenjada d’octobre, ua corsa de trail e de BTT per equipas, qui a corrut deus camins e deus còths qui èran utilizats peus contrabandèrs, los comerçants e los abitants de Sobrarbe e de las vaths d’Aure e deu Louron.
Contrabandèrs qu’a un site web dab informacions, de las istòrias personaus d’abitants de las vaths, de las novèlas e de las fòtos : contrebandiers.org
Sylvonatur: Visita d’escambi d’experiéncia en foresterie
L’Associació Forestal Vall de Lord, en collaboracion dab Sylvestre GDF90 e l’Associació de Propietaris del Montnegre i el Corredor, qu’a organizat ua conferéncia entà escambiar experiéncias forestièras deu 17 au 19 d’octobre. Pendent la conferéncia, qu’an visitat los bòscs de Barjac e de Senta Crotz de Volvèstre, en Arièja. Sylvonatur qu’ei un projècte qui tribalha sus la foresterie, en integrant la multifonctionnalité deus bòscs e en los hant mei resilientas e resistentas au cambiament climatic gràcias a l’escambi d’experiéncias enter las soas tres associacions participantas.
Transpyrpom: Un encontre a l’entorn de las pomas ancianas d’Arièja, Garona, Pallars Sobirà e La Ribagorça
La dimenjada deu 12 e 13 de noveme, a Barruera i Llesp, que’s tienerà la prumèra reünion deu projècte Trans-Pyr-Pom, orientat sus la promocion de las ancianas varietats de pomas d’Arièja, Garona, Pallars Sobirà e Ribagorça.
Pendent la manifestacion, ua conferéncia sus las varietats locaus, las lors foncions e las lors dificultats que serà balhada per Evelyne Letermine, conservator deu Conservatòri Regionau d’Aquitània. Qu’i aurà egaument ua visita de la colleccion de pomèrs de l’Observatori de Varietat Ribagorçanes, atau com ua exposicion e ua tasta de varietats.
Los partenaris deu projècte Trans-pyr-pom que convidan lo public a participar ad aquera conferéncia suu « patrimòni extraordinari de las pomas tradicionaus de las nostas vaths ». Los arbos frutèrs ancians que constitueishen un patrimòni unic, viu e comestible. Que hèn partida de la diversitat cultivada, de la seleccion de detzenats de varietats causidas peus agricultors, las mei adaptadas a las condicions de hauta montanha, e que representan uei ua grana valor istorica, geografica e antropologica ». Mei d’informacions a l’adreça seguenta : ribagorsanes(@)gmail.com
