L’Estrategia Pirenenca de la CTP
Estrategia Pirenenca
L’ Estrategia Pirenenca (EPi) es lo plan d’accion de la Comunautat de Trabalh dels Pirenèus qu’establís las prioritats pel desvolopament del territòri pirenenc e las accions per melhorar la vida de sos abitants de 2018 fins a 2024.
PRIMIÈR ESCAPOL
Jos la presidencia de Nòva Aquitània (2015-2017)-
APROBADA
Pendent la presidéncia d’Aragon (2017-2019)-
DESVOLOPAMENT
De 2018 fins a 2024. A carga de las presidéncias d’Aragon, Catalonha, Bascoat e Occitània.
Dempuèi sa creacion en 1983, la CTP se basa sus la cooperacion transfrontalièra entre sos integrants. En 2005, la CTP se convertiguèt en consòrci e foguèt nomenada Autoritat de Gestion del Programa Operatiu de Cooperacion Territoriala Espanha-França-Andòrra (POCTEFA).
La CTP voliá respondre a las escomesas de desvolopament dels territòris pirenenencs al delà del POCTEFA. Es aital que nasquèt l’Estrategia Pirenenca, que vòl convertir la CTP en la referéncia en matèria de coesion economica, sociala e territoriala dels Pirenèus, aital coma en la defensora dels interèsses pirenencs en respècte a las institucions de l’Union Europèa.
En 2018, la CTP comencèt a organizar l’Estrategia Pirenenca.
La CTP ensaja de respondre a sas orientacions fondatrices e de contunhar a favorisar la coesion economica, sociala e territoriala entre los territòris que ne fan partida, en fasa amb la Politica de Coesion Europèa.
Ont se desvolopa l’Estrategia Pirenenca?
Las accions de l’Estrategia Pirenenca se desvolopan dins un perimètre mai larg que las zònas de nauta montanha, en englobant tanben los territòris pròches del massís pirenenc. Aqueste cadre d’accion respond a l’enveja d’adoptar una perspectiva larga que reconesca mai de factors que pesan sul desvolopament de la cooperacion transfrontalièra.
L’Estrategia vòl èsser l’aisina que combine totas aquelas realitats geograficas, socialas e economicas per s’atacar a aquelas escomesas territorialas.
Tòcas:
Per afrontar aquestas escomesas, l’Estrategia Pirenenca s’organiza en quatre aises tematics e establís una tièra de tòcas operativas:
- Desvolopar l’Observatòri Pirenenc del Cambiament Climatic (OPCC)
- Crear l’Unitat de Desvolopament e Dinamisacion (UD2)
- Crear un Grop de Trabalh « Infrastructuras, transpòrt e comunicacions »
- Far de la CTP un lobby dels interèsses pirenencs