Un nòu Gropament Europèu de Cooperacion Territoriala (GECT) unís la provincia de Huesca amb los departaments dels Pirenèus Atlantics e Nauts Pirenèus dempuèi lo mes d’octobre de 2020.

Dins lo corrent de sas primièras doas annadas, lo GECT Pirineos-Pyrénées serà gerit pel president actual del departament dels Nauts Pirenèus, Michel Pélieu. Aqueste gropament amassa tres entitats de cooperacion transfrontalièra fòrça experimentadas: lo GECT Espaci Portalet, lo Consòrci del Tunèl Bielsa-Aranhoet e lo GECT HP-HP.

Cada entitat sòcia del nòu gropament s’encargarà de mantunes prètzfaches. Aital, lo GECT Pirineos-Pyrénées trabalharà sus quatre aises:

  • Infrastructuras transfrontalièras e mobilitat, per acompanhar lo desvolopament de la mobilitat dins l’espaci pirenenc e sos pèmonts, aital coma la gestion durabla dels passatges transfrontalièrs.
  • Torisme, per promòure los atraches toristics dels Pirenèus a nivèl internacional e favorisar lo comèrci de produches e servicis transfrontalièrs.
  • Desvolopament territorial, per promòure lo desvolopament local de territòris montanhòls (produccion locala, circuits corts, accès a servicis, manten de la populacion dins lo territòri, cultura).
  • Innovacion e transicion, per acompanhar lo territòri pendent las transicions tecnologicas, climaticas, economicas e socialas.

Aqueste nòu GECT s’ajusta a d’autras jà existentas dins los Pirenèus coma l’Euròrregion Nòva Aquitània, Bascoat (Euskadi), Navarra (NAEN) e l’Euròrregion Pirenèus-Mediterranèa.

Mai d’informacions: