Un territòri mai connectat es un territòri mai accesible. L’Estrategia pirenenca de la Comunautat de trabalh dels Pirenèus (CTP) contunha son desvolopament pr’amor de garantir de melhors servicis de connectivitat, mobilitat e accessibilitat de la populacion pirenenca. Jos la presidéncia de Catalonha, se lancèt lo Grop de trabalh sus la mobilitat, accessibilitat e connectivitat de la CTP.
Lo 2 de julhèt de 2020, 25 representants de las sèt institucions membres de la CTP participèron a la primièra amassada del grop de trabalh per definir las tòcas de desvolopar dins las annadas a venir.
Laia Mercadé, coordinatritz del grop e responsabla de l’Adobament del transpòrt rotièr e logistica de la Generalitat de Catalonha, condusiguèt la session qu’i decidiguèron los domenis de trabalh aital coma las infrastructuras de mobilitat, los servicis de transpòrt transfrontalièrs, las infrastructuras e servicis de connectivitat numerica e la transicion energetica.
Es previst que l’amassada venenta del grop de trabalh siá tenguda en setembre, amb la tòca de desvolopar de novèlas idèas de projèctes de cooperacion transfrontalièra.
A l’ora d’ara la Comunautat de trabalh dels Pirenèus mena d’autres gropes de trabalh per dinamizar e sosténer de projèctes dins lo territòri de montanha e transfrontalièr, en accòrdi amb l’Estrategia pirenenca 2018-2024.
Mai d’informacions:
