Mantunes joves que fan partida del Fòrum Transpirenenc de la Joinessa s’organisèron dins de comissions tematicas amb la tòca de començar a alestir lo rescontre presencial previst a la primièra dimenjada d’octobre de 2021 dins lo cadre del projècte Erasmus+ menat per la CTP.
La tematicas causidas, que nasquèron d’una enquèsta qu’i respondèron mai de 500 personas dels Pirenèus, son:
- Trabalh e emancipacion
- Cultura, lengas e identitat
- Torisme e mobilitat
- Natura e sostenatibilitat
- Feminisme, racisme, dreches LGTBIQ+ e d’autras questions socialas
Aquestas comissions son integradas per de joves originaris dels sèt territòris dels Pirenèus e sa tòca es d’identificar aquelas debilitats, menaças, fòrças e oportunitats del territòri dins cada tematica.
Es previst que los e las joves que fan partida del Fòrum debatan e presenten las conclusions de lors recèrcas dins lo primièr rescontre presencial del Fòrum. Aqueste esveniment, que comptarà amb la preséncia de representants politics de totes los mèmbres de la CTP, servirà de punch de rescontre per que la joinessa dels Pirenèus expause lors besonhs, los obstacles que afrontan e lors idèas per los corrigir.
En mai d’aquò, las conclusions del primièr rescontre del Fòrum Transpirenenc de la Joinessa tanben seràn expausadas dins lo talhièr « Europe’s present and future: the contribution of Young people to cross-border territories » que organiza la CTP dins lo cadre de la Setmana Europèa de las Regions e las Vilas lo 13 d’octobre venent.
