Los parçans ruraus qu’arcuelhen 96 milions de personas e que representan 45 % deu territòri de l’Union europèa. Qu’ei per aqueths parçans, qui jògan un ròtle clau en la gestion de las ressorsas naturaus e l’atenuacion deus efèits deu cambiament climatic, que’s produseishen ua part importanta deus aliments e produits autes. Pr’aquò, los abitants que son shens qu’un a’s sentir ignorats. Lo flux de man d’òbra cap aus centres urbans, coplat dab tendéncias demograficas negativas, que produseishen un cerc viciós qui hè qu’aqueth monde e veden a redusí’s lo son accès aus servicis.
Pr’amor d’aquò, l’Union europèa que vòu generar un debat sus l’aviéner deus parçans ruraus europèus e lo ròtle qui an en la societat. En aqueth sens, la Comission europèa qu’a aviat ua consultacion publica entà determinar la vision deus parçans ruraus europèus de cap tà 2040, en har compte de divèrsas perspectivas suu cambiament demografic, la connectivitat, los revienguts baishs e l’accès limitat aus servicis.
Que s’abordaràn tanben solucions innovadoras, inclusivas e duradissas entà la transformacion climatica e numerica, atau com la crisi deu COVID-19.
Los parçans ruraus qu’auhereishen oportunitats de las nombrosas, de la redistribucion de la populacion en evitar la suberpopulacion de las vilas, en passar per la produccion d’aliments o l’atenuacion deu cambiament climatic. De mei, la crisi deu COVID-19 que pòt introdusir cambiaments significatius en la societat, deus quaus e poderén profieitar los parçans ruraus, com ua hauça deu teletribalh o ua apreciacion màger deus espacis verds.
La consultacion, aviada lo 22 de julhet passat, que s’estarà obèrta pendent sèt setmanas, dinc au 9 de seteme de 2020.
Informacion mei :
