Presidéncia

E dins aiceste contèxte istoric la Comunautat de Trabalh dels Pirenèus es dejà una mòstra d’aquesta realitat concrèta, dins lo cadre de la cooperacion transfrontalièra a l’Union Europèa. Lo nòu de novembre d’ongan, 2017, dins la localitat francesa de Biàrritz la Comunautat Autonòma d’Aragon assumiguèt la Presidéncia de la Comunautat de Trabalh dels Pirenèus.

Per Aragon aquò es un enjòc plan important d’assumir la presidéncia, e l’assumís amb una ambicion màger de fomentar de projèctes de cooperacion en prenent en compte lo bon trabalh desvolopat dins los periòdes anteriors 1985-1987 e 2001-2003. Aicesta es doncas la tresena presidéncia d’Aragon -la dètz-e-ochena de la Comunautat de Trabalh dels Pirenèus dempuèi sos 35 ans d’existéncia- representa una oportunitat magnifica per contunhar d’impulsar las linhas d’accion de totas las questions que, de manièra dirècta, afèctan los membres de totes tres Estats de las regions de la CTP.

Dempuèi sa creacion, la CTP es estat la semença del modèl actual de cooperacion territoriala, un referent d’analise e d’estudi dins las politicas de cooperacion europèa. Politicas de cooperacion que dins sos programas la solidaritat e l’egalitat i pòrtan lo sagèl de qualitat.

Nos cal reconéisser que nòstre Consòrci es una experiéncia unenca dins lo sen de l’Union Europèa, resultat de l’acòrdi per la gestion conjoncha d’un programa de cooperacion que respond a l’ensemble de besonhs dels territòris dins de diferents païses; tot aquò gràcias a un trabalh qu’a permés l’establiment d’una cooperacion continuala e una coneissença mutuala.

La CTP possedís una especificitat unenca per rapòrt a sa situacion geografica e a la diversitat de populacion, sociala, politica e linguistica de sos territòris a l’entorn del Massís Pirenenc. Una singularitat que deu èsser present dins las orientacions ont s’arrenda lo programa d’accion d’aicesta Presidéncia.

Aiceste panorama divèrs distinguís la cooperacion transfrontalièra coma un instrument excellent per la combinason de doas realitats diferentas: dins sos aspèctes geografics e economics, coma lo litoral e la montanha, de biais que doas partidas tan diferentas capiten de far un tot unenc e a l’encòp tan divèrs, ont montanha e litoral tenon una interdependéncia necessària que rend la grandor de totas doas impossibla sens la cooperacion. Totas aicestas valors son las que contribuiràn, a partir de l’engatjament, a refortir los fondaments que dessús s’i bastís l’accion conjoncha dels membres de la Comunautat de Trabalh dels Pirenèus.

Lo Govèrn d’Aragon es conscient que se trapa davant l’enjòc de contunhar lo prètzfach qu’an realizat fins ara d’autras Presidéncias, s’engatjant a l’encòp a trabalhar sus sa consolidacion e son transferiment. Tot en assajant de manténer la meteissa linha de responsabilitat amb la cooperacion territoriala coma tòca essenciala.

Per çò que cresèm que la cooperacion transfrontalièra deu abordar los enjòc comuns qu’avèm identificat amassa, cresèm a un grau màger d’integracion de sos territòris dins l’Union, per mitan de l’amelhorament de l’environament, dels enjòcs demografics, de l’ocupacion, de la mobilitat e la connectivitat o de la bona governança. Sèm dispausats, doncas, a promòure de manièra determinanta la planificacion e lo lançament d’una estrategia pirenenca. Atal coma se faguèt remarcar dins l’Amassada Plenària de Biàrritz amb la declaracion signada.

Aquò’s demest nòstres engatjaments d’impulsar l’aviada e consolidacion d’aicesta Estrategia Pirenenca que determine las orientacions politicas de nòstre Consòrci per las annadas venentas 2018-2024. Esta iniciativa, inspirada en los trabajos realizados en otros ámbitos de cooperación territorial en europea, deberá contar con el apoyo y el estímulo de la Comunidad Europea.

Lo desvolopament d’aicesta Estrategia deurà permetre de fixar los objectius de nòstre territòri per mitan d’una Governança mai eficaça. Amassa sèm mai nombroses e melhors, e es per aquò que nos cal afrontar d’enjòcs màgers dins l’entorn europèu, en mostrant nòstras requestas e proposicions als diferents espacis de decision dins la Comission. Nòstra volontat es, doncas, de favorizar d’espacis de trabalh e de rescontre.

Dins aiceste contèxte, cal remarcar lo trabalh realizat per l’Observatòri Pirenenc del Cambiament Climatic (OPCC), qu’es modèl e exemple de la collaboracion entre los professionals, los scientifics e los cercaires d’un costat e de l’autre dels Pirenèus. Pendent las darrièras annadas, l’Observatòri a daissat d’èsser un projècte per venir, de par amb la CTP, una aisina de prestigi reconegut dins lo contèxte d’analise internacional del Cambiament Climatic.

Volriái pas acabar aicesta declaracion sens felicitar totes aqueles que fan possible, jorn aprèp jorn, que la CTP aja la reconeissença tecnica e professionala obtenguda, ni mai sens encoratjar a la continuïtat e la perseverança en l’esfòrç per capitar un gras màger de coesion e solidaritat dins nòstres territòris.

Javier LAMBÁN MONTAÑÉS
President de la Comunautat de Trabalh dels Pirenèus
President del Govèrn d’Aragon