Son ja tretze las entitats que s’amassèron a l’entorn de l’Aliança de Sòls dels Pirenèus (ASPir), una aisina creada per coordenar de politicas e activitats dins los territòris pirenencs en linha amb l’Organizacion de las Nacions Unidas per l’Alimentacion e l’Agricultura (FAO). ASPir promourà la conservacion del sòl e lo manten de sa qualitat.

La CTP lancèt aquesta aliança en decembre de 2020 e dempuèi alavetz tretze organizacions ja s’i amassèron:

  • L’Institut Cartografic e Geologic de Catalonha,
  • la Universidat Publica de Navarra,
  • la Comuna d’Orduña,
  • l’Institut d’Innovacion e Durabilitat dins la Cadena Agroalimentària de l’UPNA,
  • l’entrepresa publica Tracasa Instrumental,
  • l’Escòla Tecnica Superiora d’Engenhariá Agrària de l’Universitat de Lhèida,
  • lo Departament d’Environament e Sciéncias del Sòl de l’Universitat de Lhèida,
  • la Societat Espanhòla de la Sciéncia del Sòl,
  • FORESPIR,
  • l’Instituto Navarro de Tecnologías Agroalimentarias (INTIA),
  • l’ Instituto Universitario de Investigación en Ciencias Ambientales de Aragón (IUCA),
  • el Centre de Recerca Ecològica i Aplicacions Forestals (CREAF),
  • el grupo de investigación de protección del suelo del CREAF,
  • i la Comunautat de Trabalh dels Pirenèus.

Al meteis temps de la Jornada Internacionala de la Tèrra, lo 22 d’abril venent, la CTP terminarà la campanha d’adesions e l’ASPir començarà son foncionament.

Lo sòl es una ressorça naturala finida e non duradissa a l’escala temporala umana. A l’ora d’ara, la FAO estima que 46% de las tèrras de la planeta se tròban degradadas e revirar aquesta tendéncia exigís una accion coordenada e urgenta. L’escambi d’espleches de diagnostic entre territòris, l’elaboracion conjunta d’estrategias e la gestion partejada dels sòls serà fondamental per assegurar que las accions capiten.

Dins lo contèxte internacional, dempuèi 2021 existís una Aliança Mondiala pel Sòl que prepausa de protocòls adaptats de conservacion dels sòls.

Per aderir a l’ASPir, totas las entitats interessadas pòdon descargar lo document d’adesion e lo mandar signat al grop promotor (contact@ctp.org).