Lo Comitat Europèu de las Regions organizèt una conferéncia sus l’avenidor de la cooperacion transfrontalièra, que s’afrònta a un moment complicat pr’amor de la crisi provocada per la pandemia. La tòca d’aquesta jornada, celebrada lo 5 de julhèt, èra la de discutir los efèctes de la pandemia sus la cooperacion transfrontalièra e de presentar una resolucion e un debat sus l’avenidor de la cooperacion transfrontalièra sus la basa de las experiéncias viscudas.
Pendent los piègers moments de la crisi del coronavirus, los Estats mèmbres de l’UE barrèron sas frontièras sens consultar sos vesins abans, en metent aital de mantunes sectors economics dins una posicion malaisida. D’autre latz, la crisi tanben revelèt la solidaritat dels pòbles d’Euròpa, tot en demonstrar un còp de mai que la populacion europèa desira mai de cooperacion transfrontalièra.
En se basant suls avisses de las regions transfrontalièras, reculhits al long de l’an passat, e sus una seria d’estudis, lo Comitat Europèu de las Regions aprobarà una resolucion sus l’avenidor de la cooperacion transfrontalièra al temps de son conselh plenièr de julhèt. Aquesta resolucion, que servirà coma contribucion a la Conferéncia sus l’Avenidor d’Euròpa, esboçarà de prepausicions concrètas de cossí rafortir la cooperacion transfrontalièra, emai de cossí s’assegurar de que la cooperacion transfrontalièra e los ciutadans que vivon dins la regions transfrontalièras saràn pas jamai talament pertocats per una crisi coma se debanèt dins aquesta escasença.
Mai d’informacions:
