Lo Grop de Tribalh suu Patrimòni Culturau de la Comunautat de tribalh deus Pirenèus qu’a decidé de perlongar dinc au 15 de noveme la data limita de somission de las idèas de projèctes sus la tecnica de construccion de pèira que seca . Aqueth aperet qu’ei estat lançat lo 1èr de seteme dab la mira de capitalizar l’experiéncia e lo saber-har deus actors locaus dens aqueth maine.
Lo formulari a plear, la descripcion completa de l’aperet, atau com las idèas qui son dejà estadas esquissadas peu grop de tribalh que pòden estar telecargats ací.
Las idèas seleccionadas que deven estar transformadas en projèctes de cooperacion transfrontalèra a desvolopar en collaboracion dab la CTP e los sons membres. Totas las entitats juridicas basadas suu territòri de l’Estrategia Pirenenca qu’i pòden participar. Los responsables deu Grop de Tribalh suu patrimòni culturau de la CTP que seleccionaràn las idèas en foncion deu lor plan d’accion.
