La Comission Europèa qu’a aviat ua consultacion publica pertocant los obstacles transfrontalèrs dab la mira d’aviar un dialògue dab la ciutadanetat e las institucions interessadas entà obtiéner ua vision generau deus obstacles frontalèrs qui an espelit despuish l’aprobacion en 2017 de la Comunicacion sus las regions frontalèras de l’UE.
La participacion qu’ei obèrta a la ciutadanetat e a las institucions, organizacions o actors frontalèrs dinc au 20 de seteme de 2020, via aqueste ligam.
Aquestas annadas passadas, la Direccion generau de politica regionau e urbana de la Comission europèa (DG REGIO) qu’a senhalat obstacles frontalèrs (juridics e administratius) qui travan las interaccions enter regions frontalèras e que hèn puisheu aus ciutadans entà aver accès au tribalh, a l’educacion, aus servicis d’urgéncia e de santat o au transpòrt public de l’aute costat de la frontèra.
A despieit deu ròtle clau qu’Interreg a jogat los darrèrs 30 ans, hèra de las dificultats viscudas dens las regions frontalèras ne’s pòden pas resòlver peu mejan de projèctes Interreg e sonque, puishque las solucions e demandan cambis dens las leis e procediments administratius.
Informacion mei :
