L’importància deus hialats sociaus entà aténher los ciutadans qu’ei clara per tots. Entà comunicar mei plan l’activitat de la Comunautat de Tribalh deus Pirenèus, navèths perhius qu’estón aviats sus Facebook, Instagram, Twitter e Linkedin.
Aqueths perhius navèths que completan los tribalhs miats suus hialats sociaus de 2015 enlà entà difusar las accions e resultas deu programa POCTEFA 2014-2020 e de l’Observatòri Pirenenc deu Cambiament Climatic. En mei d’aqueth par d’iniciativas màgers, capvath las soas canaus de mèdias sociaus, la CTP que desira difusar lo ròtle deus territòris qui la hargan, la lor istòria e los navèths projèctes qui son aviats dens l’encastre de l’Estrategia Pirenenca, enter autes. Los hialats sociaus que responen a la volontat de dialògue e de cooperacion dab la quau la CTP estó creada que hè batlèu 40 ans.
Que vs’esperam, seguitz-nse !
