Lo dijòus 30 de septembre, a Barcelona, lo Centre de Recèrca Ecologica e Aplicacions Forestièras (CREAF) organizarà un seminari dins lo cadre del projècte Montclima que menan la CTP e l’OPCC. La jornada se concentrarà en las estrategias de gestion e prevencion dels impactes de la secada dins los bòsques de montanha del sudoèst d’Euròpa (espaci SUDOE)
Aqueste seminari tematic entend partejar de coneissenças e experiéncias sus las bonas practicas dins la gestion e la prevencion de la secada dins los bòsques de montanha de l’espaci SUDOE, amb la tòca de contribuir a las politicas publicas de gestion e prevencion d’aqueste risc climatic natural. Atanben serà l’escasença per presentar las tòcas e avançaments del projècte Montclima.
Las inscripcions per l’esveniment son ja obèrtas e se pòdon trapar sus aqueste formulari de la pagina web de Montclima. Serà ofèrt un servici d’interpretariat simultanèa en espanhòl, francés e portugués.
Mai d’informacions:
