Concebuda coma un factor susceptible d’evoluir e s’adaptar a las novèlas realitats, l’Estrategia pirenenca es un plan dont l’accion es prevista fins a 2024. La Comunautat de Trabalh dels Pirenèus a volgut precisar a quin estat aquela se tròba al jorn d’uèi e aital a editat un document per resumir las accions realizadas dempuèi son aprobacion e mai los diferents gropes de trabalh en activitat.

A l’ora d’ara, existisson cinc gropes de trabalh e dos en desvolopament, que ja s’amassèron a de desenas d’escasenças per establir las prioritats de son accion dins los mai divèrses domenis. Dempuèi 2019, se programèron tres projèctes dins lo quadre de l’Estrategia pirenenca: OPCC ADAPYR, LIFE AT CC e ERASMUS+ Pyrenean Youth.

Dempuèi lo mes de novembre de 2018, la CTP trabalha per lo desvolopament de l’Estrategia pirenenca, un plan que s’i ensaja de reculhir totas las questions prioritàrias pel desvolopament del territòri pirenenc, aital coma las accions necitas per i far fàcia. La tòca ultima de l’Estrategia pirenenca es de melhorar la vida del monde que viu dins los Pirenèus.

La version de decembre de 2020 del document « L’Estrategia pirenenca avança » se poirà legir aicí.