Declaracion adoptada per la CTP que se referís a la proposicion de reglament del Parlament e del Conselh europèus relatiu a un mecanisme per despassar los empaches juridics e administratius dins un contèxte transfrontalièr.
A l’escasença de la vint-e-sièisena Cima Franco-Espanhòla, debanada a Montalban lo 15 de març de 2021, la CTP mandèt a Arancha González Laya, ministra dels afars estrangièrs, Union Europèa e Cooperacion del Govèrn d’Espanha, e a Jean-Yves Le Drian, ministre de l’Euròpa e dels afars estrangièrs de la Republica francesa, una declaracion favorabla a la proposicion de reglament del Parlament e del Conselh europèus relatiu a un mecanisme per despassar los empaches juridics e administratius dins un contèxte transfrontalièr (Ligam al document en espanhòl e en francés).
Amb aquestas lètras, la CTP interpèla los dos Estats membres, Espanha e França, a prepaus de l’interès d’un mecanisme aital per promòure e aprigondir la cooperacion transfrontalièra.
