La Comunautat de Trabalh dels Pirenèus, en collaboracion amb EUSALP e la Comission Europèa, organiza un talhièr oficial pendent la Setmana Europèa de las Regions e las Vilas (EU Regions Week), que se centrarà a l’entorn del ròtle de la joinessa dins los territòris transfrontalièrs. Per la segonda annada de tira, la EU Regions Week se debanarà sus linha. La data e l’orari d’aqueste talhièr, que comptarà amb la participacion de joves d’autres territòris montanhòls coma los Alps, que serà anonciat pro lèu.
La pandemia a afectat particularament la populacion jove, que sa votz es pas totjorn escotada. Joves d’Euròpa tota son estats injustament associats a una certana negligéncia o manca de solidaritat pendent la crisi de la COVID19. Pasmens, coma tota la populacion, s’es tanben fòrça sacrificada pendent la pandemia. Es fondamental que sa votz siá escotada e sas prepausicions presas en compte quand s’agisca de l’avenidor de l’Euròpa.
La Setmana Europèa de las Regions e las Vilas es lo moment ideal pr’amor que s’agís d’un esveniment annal organizat per la Comission Europèa e dedicat a la politica de coesion de l’UE. Dempuèi 18 ans, reunís de territòris e entitats europèas per promòure l’aprentissatge e partejar de bonas practicas. En 2021, la Setmana Europèa de las Regions e las Vilas es celebrada jos la devisa « Amassa per la recuperacion ».
La CTP fa partida dels 586 sòcis de la Setmana Europèa de las Regions e las Vilas 2021 e lo talhièr que serà organizat es centrat a l’entorn de la populacion jove dels territòris transfrontalièrs e montanhòls.
Mai d’informacions:
