Las inscripcions entà la trenta-ueitau edicion deu Conselh plenèr de la Comunautat de Tribalh deus Pirenèus que son d’ara enlà obèrtas. Augan l’edicion que’s harà lo 28 d’octobre de 2020 e que poderà estar seguida en linha.
Tots ans, la Comunautat de Tribalh deus Pirenèus qu’organiza aquera reünion deus presidents e de las presidentas deus sèt territòris, lo Conselh Plenèr. Ad aquera ocasion, las orientacions estrategicas e politicas deu CTP que son conviengudas segon proposicions hèitas peu Comitat Executiu. L’acòrd conviengut qu’ei includit a la Declaracion comuna deus presidents/as, un document signat au parat de l’eveniment e qui serà disponible en consulta ad aqueste site.
Dens l’edicion 2020, lo format de la Plenèra serà en linha e s’emetrà dempuèi Vielha (Aran, Catalonha).
