A l’escasença de la Fèsta internacionala de las femnas, la Comunautat de Trabalh dels Pirenèus elaborèt una infografia per expausar la representativitat de genre dins los divèrses gropes concernits dins sas activitats.
Lo tèma causit per las Nacions Unidas per la fèsta internacionala de 2021 es « Femnas dirigentas: cap a un avenidor d’egalitat dins lo monde de la Covid-19 » e s’i celèbran los esfòrces manifestats per de femnas e dròllas de’n pertot dins la planeta al moment de definir un avenidor mens inegal, emai la represa d’aprèp la pandemia de Covid-19, en plantejar las feblesas qu’existisson.
« Amb la participacion e direccion plenas e efectivas de las femnas dins totes los domenis de la vida, se capita lo progrès per tot lo monde », se declara dempuèi las Nacions Unidas. Pr’aquò las femnas an totjorn pas pron de representacion dins la vida publica e la presa de decisions, coma mòstra lo recent rapòrt del secretari general de las Nacions Unidas. De femnas son caps d’Estat o de govèrn dins 22 païses e sonque 24,9% dels parlamentaris nacionals son de femnas. A-n-aqueste ritme de progression, se deurà esperar encara 130 ans per l’egalitat de genre entre dirigents governamentals òmes e femnas.
Mai d’informacions:
