Lo portal cartografic del Corredor Mediterranèu es ja disponible per consultacion. Lo portal conten d’informacions detalhadas e mesas a jorn sus las infrastructuras ferroviàrias existentas e sus las òbras e projèctes en cors; de nombrosas donnadas sus las ciutats, garas e estacions; aital coma d’indicadors socio-economics e environementals.
Aqueste portal foguèt creat pel Burèu del comissari del govèrn pel Corredor Mediterranèu e es la resulta d’una collaboracion estrecha entre mantuna institucion e entitat. A prepaus de l’aspècte transfrontalièr, collaborèron SNCF Réseau, los sòcis del projècte POCTEFA TRAILS e la region d’Occitània. Tanben conten de documentacion adicionala sul Burèu (comunicats, rapòrts anuals, fòtos de las òbras en cors, infografias, eca.) e ligams cap a sites internet relatius.
Dins son Estrategia pirenenca, la CTP dispausa d’un aise centrat sus la mobilitat, la connectivitat e l’accessibilitat pr’amor de trabalhar per un territòri melhor connectat, amb la tòca de melhorar la qualitat de vida de quales vivon dins los Pirenèus. Aqueste portal cartografic serà l’otís utilitari pel Grop de trabalh « Infrastructuras, transpòrt e comunicacions », que s’encarga d’encoratjar lo dialòg per melhorar la connectivitat, la mobilitat e l’accessibilitat entre los territòris.
Mai d’informacions:
