La dotzau edicion de las Qu’assetèsses Europèas de la Montanha que s’ei tienuda deu 25 au 27 d’octobre dens lo parc naturau nacionau de Sila en Itàlia. Aquera edicion, dab la participacion de la CTP, qu’a portat sus la definicion d’ua estrategia duradissa entau desvolopament de « montanhas intelligentas » a l’orizont 2050.

Com ac descriu l’ordi deu dia de la convencion : « las montanhas que son territòris d’oportunitats a sasir : ua qualitat melhora de vita, un ric patrimòni naturau e culturau, deus produits agroalimentaris de qualitat e la hornidura de servicis écosystémiques au profieit de tots los ciutadans europèus. Las populacions de montanha que’s deven prémer aqueths atots entà desvolopar estrategicament las montanhas e relhevar los desfís deu Pacte verd europèu e de la transicion numerica, atau com entà realizar la vision a tèrmi long de l’UE entà las zònas ruraus« .

L’objectiu de la convencion d’aquera annada qu’èra precisament de presentar los desfís economics, sociaus e environamentaus a los quaus son confrontadas las montanhas europèas, en prepausant solucions innovantas.

Idoia Arauzo, responsabla de l’Unitat Desvolopament e Dinamizacion de la CTP, qu’a representat la CTP pendent aquera conferéncia entà explicar, d’ua part, lo Fòrum Transpirenenc de la Joenessa ; e d’aute, las possibilitats auhèrtas per l’idrogèn aplicat a la mobilitat en miei rurau e los progrès realizats dens los Pirenèus dens aqueth maine despuish la creacion deu Grop de Tribalh Idrogèn.

Pendent la session « Com lo governament intelligent pòt ajudar a crear zònas de montanha viradas cap tà l’aviéner », dauna. Arauzo qu’a discutit de las realizacions deu Fòrum transpirenenc de la joenessa dab representants d’institucions taus com l’Aliança de la comunautat rurau europèa, Eurac Research, l’Universitat de Corsega o EUSALP.

Lo desvolopament de la mobilitat basada sus l’idrogèn qu’ei estat abordat pendent lo talhèr « Mobilitat intelligenta e neta », dab la participacion de la CTP e deu conselh de comtat de Maramures (Romania).

Que’us Assetèsses Europèas de la Montanha que’s tienen cada dus ans despuish 1998.

Mei d’informacions: