Mantunas desenas de joves originaris dels sèt territòris de la Comunautat de Trabalh dels Pirinèus s’amassaràn a Biescas e El Pueyo de Jaca (Aragon) pendent la dimenjada del 1èr al 3 d’octobre per téner lo primièr Fòrum Transpirenenc de la Joinessa.
La tòca d’aqueste rescontre, mentre çò qu’auràn l’escasença de s’amassar amb de foncionaris publics e rapresentants politics de lors territòris, es de rafortir l’influència de la joinessa sus las politicas publicas territorialas.
Pendent los tres jorns de durada del Fòrum, las participantas e los participants trabalharàn dins los domènis tematics qu’auràn ja identificat como prioritaris: trabalh e emancipacion; torisme e mobilitat; natura e sostenatibilitat; cultura, lengas e identitat; e feminisme, racisme, dreches LGTBIQ+ e d’autras questions socialas. Aquelas tematicas seràn lo subjècte de las intervencions cap als rapresentants politics que mancaràn pas al rendètz-vos. En mai d’aquò, se bastirà lo Manifèste de la Joinessa Pirenenca, un document qu’amassarà los besonhs comuns de la joinessa dels Pirenèus e lors prepausicions per las resòlver.
Lo Fòrum Transpirenenc de la Joinessa o Pyrenean Youth es un projècte Erasmus+ dirigit per la Comunautat de Trabalh dels Pirenèus que foguèt creat per far conéisser los besonhs comuns de la joinessa dels Pirenèus.
